ബാം​ഗ്ലൂർ ഡേയ്സ് എന്ന ഹിറ്റ് ചിത്രത്തിന് റീമേക്കൊരുങ്ങുന്നു, അനശ്വരയും പ്രിയയും നായികമാർ

നിവിൻ പോളിയും, ഫഹദും നസ്രിയയുമെല്ലാം ഒരുമിച്ച മലയാളത്തിലെ സൂപ്പർഹിറ്റ് ചിത്രമായിരുന്നു ബാം​ഗ്ലൂർ ഡേയ്സ്. ചിത്രത്തിലെ ​ഗാനങ്ങളടക്കം വൻ ഹിറ്റായിരുന്നു.

അഞ്ജലി മേനോൻ ചിത്രംബാം​ഗ്ലൂർ ഡേയ്സ് മികച്ച അഭിപ്രായം നേടിയ ചിത്രമാണ്. ഇപ്പോൾ ബാം​ഗ്ലൂർ ഡേയ്സിന്റെ ഹിന്ദി പതിപ്പ് ഇറങ്ങുകയാണ്. യാരിയാൻ ടു എന്നാണ് പേരിട്ടിരിക്കുന്നത്. ബോളിവുഡ് ചിത്രമായ യാരിയാനിന്റെ രണ്ടാം ഭാ​ഗമായാണ് ചിത്രമെത്തുക. മലയാളത്തിലെ പ്രശസ്ത യുവനടിമാരായ അനശ്വര രാജനും പ്രിയാ വാര്യരുമാണ് യാരിയാൻ ടു എന്ന ചിത്രത്തിൽ നായികമാരായെത്തുന്നത്. യാരിയാൻ – 1 സംവിധാനം ചെയ്ത ദിവ്യ തന്നെയാണ് യാരിയാൻ ടുവും ഒരുക്കുന്നത്.

2024 മെയ് 12 നാണ് യാരിയാൻ 2 തിയേറ്ററിലെത്തുക. ടി സീരീസാണ് ചിത്രം നിർമ്മിക്കുന്നത്. തമിഴ്, തെലുങ്ക് പതിപ്പുകൾ 2016 ൽ പുറത്തിറങ്ങിയിരുന്നു. മീസാൻ ജാഫ്രി അടക്കമുള്ള താരങ്ങളാണ് ഹിന്ദി റീമേക്കിലെത്തുന്നത്.  മലയാളത്തിലിറങ്ങിയ ബാം​ഗ്ലൂർ ഡേയ്സ് താരനിരയാലും സമ്പന്നമായിരുന്നു. ദുൽഖറും ഫഹദും നസ്രിയയുമെല്ലാം ഒന്നിച്ചെത്തിയ ചിത്രത്തിലെ പാട്ടുകളടക്കം ഹിറ്റായി മാറിയിരുന്നു. യാരിയാൻ ടു ചിത്രത്തെക്കുറിച്ച് വൻ പ്രതീക്ഷകളാണ് ഉള്ളതെന്നാണ് സംവിധായിക ദിവ്യ പറയുന്നത്.