ഗായിക ജെൻസി ഗ്രിഗറിയുടെ ശബ്ദ രേഖ കേട്ടാൽ രഞ്ജിത് അവാർഡ് നിർണ്ണയത്തിൽ ഇടപെട്ടിട്ടുണ്ടോയെന്ന് മനസിലാകും: സംവിധായകൻ വിനയൻ

അവാർഡ് നിർണ്ണയ സംഭവവുമായി ബന്ധപ്പെട്ട് ഉണ്ടായ വിവാദത്തിൽ ​ഗായിക ജെൻസി ഗ്രിഗറിയുടെ ശബ്ദ രേഖ പുറത്ത്.

ജെൻസി ഗ്രിഗറിയുടെ ശബ്ദ രേഖ കേട്ടാൽ രഞ്ജിത് അവാർഡ് നിർണ്ണയത്തിൽ ഇടപെട്ടിട്ടുണ്ടോയെന്ന് മനസിലാകുമെന്നും സംവിധായകൻ വിനയൻ കുറിച്ചു.

കുറിപ്പ് വായിക്കാം

ചലച്ചിത്ര അക്കാദമി ചെയർമാൻ ശ്രീ രഞ്ജിത്ത് സ്റ്റേറ്റ് അവാർഡ് ജുറിയിൽ ഇടപെട്ടോ ഇല്ലയോ എന്നുള്ളതാണല്ലോ ഇപ്പഴത്തെ വലിയ ചർച്ച. അദ്ദേഹം ഇടപെട്ടിട്ടേ ഇല്ല എന്ന് നമ്മുടെ ബഹുമാന്യനായ സാംസ്കാരികമന്ത്രി ഇന്നു സംശയ ലേശമെന്യേ മാദ്ധ്യമങ്ങളോടു പറയുകേം ചെയ്തു.

ഇവിടെ പോസ്റ്റ് ചെയ്തിരിക്കുന്നത് മറ്റൊരു ജൂറിമെമ്പറായിരുന്ന ഗായിക ജെൻസി ഗ്രിഗറിയുടെ ശബ്ദ രേഖയാണ്. ഒരോൺലൈൻ മാദ്ധ്യമപ്രവർത്തകനോടാണ് അവർ സംസാരിക്കുന്നത്.

ഇതൊന്നു കേട്ടാൽ ജൂറി മെമ്പർമാരെ ശ്രീ രഞ്ജിത് ബുദ്ധിമുട്ടിച്ചിട്ടുണ്ടോ അവാർഡു നിർണ്ണയത്തിൽ ഇടപെട്ടിട്ടുണ്ടോ എന്നു മനസ്സിലാകും, ഇതൊരു ചെറിയ ഉദാഹരണം മാത്രമാണ്, കേട്ടു കെൾവിയില്ലാത്ത രീതിയിൽ ചട്ടങ്ങൾ ലംഘിച്ചുകൊണ്ട് അക്കാദമി ചെയർ മാൻ ജൂറിയിൽ ഇടപെട്ടു എന്നത് നഗ്നമായ സത്യമാണ്.

അതാണിവിടുത്തെ പ്രശ്നവും, അല്ലാതെ അവാർഡ് ആർക്കു കിട്ടിയെന്നോ? കിട്ടാത്തതിൻെറ പരാതിയോ ഒന്നുമായി ദയവുചെയ്ത് ഈ വിഷയം മാറ്റരുത്. അധികാരദുർവിനിയോഗം ആണ് ഈ ഇടപെടൽ അതിനാണ് മറുപടി വേണ്ടത്.