ഈ പ്രായത്തിലും എന്നാ ഒരിതാ: രമ്യാ കൃഷ്ണന്റെ കാവാലാ ഡാൻസ് സൂപ്പർ ഹിറ്റ്

സോഷ്യൽ മീഡിയയിലും റീൽസുകളിലും തരം​ഗം തീർത്തുകൊണ്ടിരിക്കുന്നതാണ് തമന്നയുടെ ജയിലറിലെ കാവാലാ എന്ന ​ഗാനം.

തമിഴ് സിനിമാ പ്രേക്ഷകർ വൻ പ്രതീക്ഷയോടെ കാത്തിരിക്കുന്ന രജനി ചിത്രം കൂടിയാണിത്. നടൻ മോഹൻലാലും ചിത്രത്തിൽ പ്രധാന വേഷത്തിലെത്തുന്നുണ്ട്.

ചിത്രത്തിൽ രമ്യാ കൃഷ്ണനും അഭിനയിക്കുന്നുണ്ട്. പ്രശസ്ത മേക്കപ്പ് ആർട്ടിസ്റ്റായ പ്രകൃതി അനന്തിനൊപ്പം വൈറൽ ​ഗാനത്തിന് ചുവട് വെക്കുന്ന രമ്യാ കൃഷ്ണനാണ് ഇപ്പോൾ വൈറലായി മാറുന്നത്.

ജയിലർ ഓഡിയോ ലോഞ്ചിൽ കണ്ട അതേ വേഷത്തിലാണ് താരം ഡാൻസിലും എത്തിയത്. ഓഡിയോ ലോഞ്ചിന് പോകുന്നതിന് മുൻപ് ചെയ്തത് എന്നാണ് പ്രകൃതി വീഡിയോ പങ്കുവച്ച് കുറിച്ചത്.