തന്റെ പുത്തൻ ചിത്രമായ ജയിലറിന്റെ റിലീസിംങ്ങിനായി തയ്യാറെടുക്കുകയാണ് സൂപ്പർ താരം രജനീകാന്ത്. ചിത്രത്തിലെ തമന്നയുടെ കാവാലാ ഗാനം യൂട്യൂബിൽ അടക്കം ട്രെൻഡിംങായി തുടരുകയാണ്.
റീൽസുകളിലും മറ്റുമായി വൻ തരംഗമാണ് കാവാലാ ഗാനം ഉയർത്തിയത്. ചിത്രത്തിന്റെ ഓഡിയോ ലോഞ്ച് കഴിഞ്ഞ ദിവസമാണ് നടന്നത്.
സൂപ്പർ സ്റ്റാർ എന്ന പദവിക്ക് വലിയൊരു പ്രശ്നമുണ്ടെന്നാണ് താരം പറയുന്നത്. താൻ ഭയക്കുന്നത് രണ്ട് പേരെയാണ്, ഒന്ന് ദൈവം, മറ്റൊന്ന് നല്ല മനുഷ്യർ. നല്ല മനുഷ്യർ ശപിച്ചാൽ അതും പ്രശ്നമാണെന്നും താരം പറഞ്ഞു.
പക്ഷികളുടെ കൂട്ടത്തിൽ കാക്ക പരുന്തിനെപ്പോലും ശല്യം ചെയ്യും, പരുന്ത് ഇതൊക്കെ അവഗണിച്ച് ആർക്കും എത്താത്ത ഉയരത്തിൽ കൂടുതൽ പറക്കും, കുറ്റം പറയാത്ത നാവുകളും കുരയ്ക്കാത്ത നായകളും ഉണ്ടാകില്ല എന്നതിനാൽ അതൊന്നും വകവെക്കാതെ നമ്മൾ നമ്മളുടെ പണിയുമായി പോകണമെന്നും താരം ഉപദേശിച്ചു.
Post Your Comments