ചിത്ര വാങ്ങി തന്ന സ്ഥലത്തിന് എനിക്ക് കിട്ടിയത് 60 ലക്ഷം, ഒരനിയത്തിയുടെ കരുതലായിരുന്നത്

മലയാളികളുടെ പ്രിയ ​ഗാനരചയിതാവാണ് കൈതപ്രം ദോമോദരൻ നമ്പൂതിരി. ഇതുവരെയായി അതിമനോഹരങ്ങളായ അനവധി ​ഗാനങ്ങളാണ് കൈതപ്രം ദോമോദരൻ നമ്പൂതിരി രചിച്ചിട്ടുള്ളത്.

സം​ഗീത ലോകത്തിന് നൽകിയ സംഭാവനകൾ പരി​ഗണിച്ച് പത്മശ്രീ നൽകിയിരുന്നു. തന്റെ ജീവിതത്തിൽ ​ഗായിക ചിത്രയെക്കുറിച്ചുള്ള ഓർമ്മ, സംവിധായകൻ എംജി രാധാകൃഷ്ണന്റെ കൈപിടിച്ചു വന്ന കുട്ടിയുടേതാണെന്നും കൈതപ്രം വ്യക്തമാക്കി.

സം​ഗീത സംവിധായകൻ വിദ്യാസാ​ഗറും താനും ചിത്രക്കായി ഒരു അയ്യപ്പ​ഗാനം ചെയ്തതിനെക്കുറിച്ചും കൈതപ്രം പറഞ്ഞു. പ്രതിഫലമായി മദ്രാസിൽ രണ്ട് ​ഗ്രൗണ്ട് സ്ഥലമാണ് ചിത്ര വാങ്ങി നൽകിയത്.

1980  ലാണ് സ്ഥലം നൽകിയതെന്നും നാട്ടിൽ വീട് മേടിക്കുമ്പോൾ ആവശ്യം വന്നാൽ വിൽക്കാമെന്ന് ചിത്ര പറഞ്ഞതായും കൈതപ്രം പറഞ്ഞു. നാട്ടിലെ വീടുപണിയുടെ സമയത്ത് വിറ്റപ്പോൾ 60 ലക്ഷത്തോളം രൂപ കിട്ടിയെന്നും കൈതപ്രം പറഞ്ഞു.