ലക്കി ഭാസ്ക്കർ: വീണ്ടും തെലുങ്കിൽ തിളങ്ങാൻ ദുൽഖർ

തെലുങ്കിൽ സീതാരാമം എന്ന ചിത്രം സൂപ്പർ ഹിറ്റായി മാറിയതോടെ നടൻ ദുൽഖറിന് തെലുങ്കിലും വൻ ആരാധകരാണ് ഉള്ളത്.

ഇന്ന് ജൻമദിനം ആഘോഷിക്കുന്ന താരം തന്റെ പുത്തൻ ചിത്രത്തിന്റെ അപ്ഡേറ്റ് പുറത്ത് വിട്ടിരിക്കുകയാണ്.

ലക്കി ഭാസ്കറെന്നാണ് ചിത്രത്തിന് പേര് നൽകിയിരിക്കുന്നത്. പോസ്റ്ററും താരം ജൻമദിനത്തിൽ പുറത്ത് വിട്ടു. സൂപ്പർ ഹിറ്റ് സംവിധായകൻ വെങ്കിയുടെ ചിത്രമാണിത്. വാത്തിക്ക് ശേഷം വെങ്കി ചെയ്യുന്ന പാൻ ഇന്ത്യൻ ചിത്രം കൂടിയാണിത്. ജിവി പ്രകാശ് കുമാറാണ് ചിത്രത്തിന് സം​ഗീതമൊരുക്കുക.

വെങ്കി – ദുൽഖർ ചിത്രം ഏറെ പ്രതീക്ഷയോടെയാണ് ആരാധകർ കാണുന്നത്. ദുൽഖർ നായകനായും മൃണാൽ ഠാക്കൂർ നായികയായും എത്തിയ സീതാരാമം എന്ന ഡിക്യു ചിത്രം വമ്പൻ ഹിറ്റായി മാറിയിരുന്നു.