യുവാക്കളുടെ റോൾ മോഡൽ, ഞാനൊരു തികഞ്ഞ അണ്ണാമലൈ ആരാധകൻ: തുറന്നു പറഞ്ഞ് തമിഴ് നടൻ തമ്പി രാമയ്യ

തമിഴ്നാട് രാഷ്ട്രീയത്തിലെ മിന്നുന്ന പ്രകടനം കാഴ്ച്ചവക്കുന്ന അണ്ണാമലൈക്ക് ആരാധകർ ഏറെയാണ്.

കുറഞ്ഞ കാലം കൊണ്ട് തമിഴ് നാട്ടിലെ രാഷ്ട്രീയത്തിൽ തന്റേതായ സ്ഥാനം നേടിയ അണ്ണാമലൈ ബിജെപിയുടെ ശക്തമായി ശബ്ദമായി മാറിക്കഴിഞ്ഞു.

സ്റ്റാലിൻ സർക്കാരിന്റെയടക്കം അഴിമതി കഥകൾ പുറത്ത് കൊണ്ടുവരികയും സാധാരണക്കാരുടെ പ്രശ്നങ്ങളിൽ ഇടപെടുകയും ചെയ്ത അണ്ണാമലൈ തമിഴ് മക്കളുടെ പ്രിയങ്കരനായ നേതാവാണ്.

എൻ മണ്ണ് എൻ മക്കൾ എന്ന ആപ്തവാക്യം ഉയർത്തി അണ്ണാമലൈ തമിഴ്നാട്ടിൽ പദയാത്ര നടത്തുവാൻ ഒരുങ്ങുകയാണ്.

ദേശീയതയിൽ ഉറച്ച് നിന്ന് പിറന്ന നാടിന് വേണ്ടി ജീവിക്കുന്ന യുവ നേതാവായി മാറാൻ അണ്ണാമലൈക്ക് കഴിഞ്ഞിട്ടുണ്ട്.

പ്രശസ്ത തമിഴ് നടൻ തമ്പി രാമയ്യ താൻ അണ്ണാമലൈയുടെ കടുത്ത ആരാധകനാണെന്നാണ് തുറന്ന് പറയുന്നത്. ഐപിഎസ് നേടുക എന്നത് ചില്ലറ കാര്യമല്ല, അതി കഠിനമായി അത് പഠിച്ച് വന്നയാളാണ് അണ്ണാമലൈ, സംസാരിക്കുന്നത് അത്രയും കൃത്യമായ ഡേറ്റയുടെ അടിസ്ഥാനത്തിൽ മാത്രം. എന്തൊരു മികച്ച നേതാവാണ് അണ്ണാമലൈയെന്നും തമ്പി പറയുന്നു.