ദുൽഖർ സൽമാന്റെയും ജസ്ലീൻ റോയലിന്റേയും ഹൃദ്യമായ പ്രണയഗാനം “ഹീരിയേ” റിലീസായി

ഗായികയും ഗാനരചയിതാവുമായ ജസ്‌ലീൻ റോയൽ, അർജിത്ത് സിംഗ്, നടൻ ദുൽഖർ സൽമാൻ എന്നിവർ ചേർന്നൊരുക്കിയ ഏറ്റവും പുതിയ ഗാനം “ഹീരിയെ”റിലീസ് ചെയ്തു. അർജിത്‌ സിങ്ങിന്റെ കരിസ്മാറ്റിക് ശബ്ദത്തിനൊപ്പം ജസ്‌ലീന്റെ ആത്മാർത്ഥമായ രചനയുടെയും ആലാപനത്തിന്റെയും അതുല്യമായ മാസ്മരികത ഉൾക്കൊള്ളുന്ന ഗംഭീരമായ ഗാനം എല്ലാവരുടെയും ഹൃദയത്തിൽ ഇടംനേടുന്ന ഒരു കാൾ ടാപ്പിംഗ് നമ്പറാണ്. ജസ്‌ലീൻ റോയൽ അവരുടെ സംഗീതത്തിലൂടെയുള്ള കഥപറച്ചിലിന്റെ വ്യത്യസ്തമായ ശൈലിയും ദുൽഖർ സൽമാന്റെ ആകർഷകമായ അഭിനയവും ചേരുമ്പോൾ ​ഗാനം മനോഹരമാകുന്നു.

ശ്രദ്ധേയമായ പ്രകടനങ്ങളിലൂടെ ഇന്ത്യയിൽ ദേശീയതലത്തിൽ താരപദവി നേടിയ പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാനോടൊപ്പം ജസ്‌ലീൻ ട്രാക്ക് രചിക്കുകയും പാടുകയും മാത്രമല്ല, സംഗീത വീഡിയോയും നിർമ്മിക്കുകയും ചെയ്തിട്ടുണ്ട്.

ദിൻഷഗ്ന ദാ, ഖോഗയേ ഹം കഹാൻ, ഡിയർ സിന്ദഗി, സാങ് റഹിയോ, രഞ്ജ തുടങ്ങിയ ഗാനങ്ങൾക്ക് പേരുകേട്ട ജസ്‌ലീൻ റോയൽ, തും ഹി ഹോ, കേസരിയ, ചന്ന മേരേയ തുടങ്ങിയ റൊമാന്റിക് ക്ലാസിക്കുകൾ സമ്മാനിച്ച അർജിത്‌ സിങ്ങിനൊപ്പം ചേരുമ്പോൾ ലഭിക്കുന്ന മാജിക് തന്നെയാണ് ഹീരിയെ. വാർണർ മ്യൂസിക് ഇന്ത്യ അവതരിപ്പിക്കുന്ന ഗാനം ഇപ്പോൾ എല്ലാ സ്ട്രീമിംഗ് പ്ലാറ്റ്‌ഫോമുകളിലും ലഭ്യമാണ്. പി ആർ ഓ: പ്രതീഷ് ശേഖർ