പ്രശസ്ത നടൻ ജയന്ത് സവർക്കർ അന്തരിച്ചു

മുതിർന്ന നടൻ ജയന്ത് സവർക്കർ ( 87) വാർധക്യ സഹജമായ അസുഖങ്ങളെ തുടർന്ന് അന്തരിച്ചു.

മറാത്തി, ഹിന്ദി സിനിമകൾ, നാടകം, എന്നിവയിൽ ഒട്ടേറെ സംഭാവനകൾ നൽകിയ വ്യക്തിയായിരുന്നു ജയന്ത് സവർക്കർ.

ഹരി ഓം വിത്തല, ഗഡ്ബദ് ഗോന്ദൽ, 66 സദാശിവ്, ബകാൽ, വാസ്തവ് എന്നിവ ജയന്തിന്റെ പ്രശസ്തമായ ചിത്രങ്ങളാണ്.

ആറ് പതിറ്റാണ്ട് കാലം അഭിനയ രം​ഗത്ത് സജീവമായിരുന്നു ജയന്ത്. രക്ത സമ്മർദം ഉയർന്നതിനെ തുടർന്ന് ഏതാനും ദിവസങ്ങൾക്ക് മുൻപ് ആശുപത്രിയിൽ പ്രവേശിപ്പിക്കുകയായിരുന്നു.

എന്നാൽ വീണ്ടും നില വഷളാകുകയായിരുന്നു. സിനിമാ രം​ഗത്ത് നിന്ന് നിരവധി പേരാണ് നടന് അന്ത്യാഞ്ജലി അർപ്പിച്ചത്.