പണം വർധിപ്പിച്ച് നൽകുമെന്ന് വാ​ഗ്ദാനം നൽകി കോടികൾ അടിച്ചുമാറ്റി; തട്ടിപ്പിനിരയായി വിവേക് ഒബ്റോയി

ബോളിവുഡ് സൂപ്പർ താരം വിവേക് ഒബ്റോയിൽ നിന്ന് കോടികൾ തട്ടിയെടുത്തതായി പരാതി.

വിവേകും ഭാര്യ പ്രിയങ്കയും മുംബൈയിൽ പരാതി നൽകി. സഞ്ജയ് സാഹ, ഇയാളുടെ മാതാവ് നന്ദിത, ഭാര്യ രാധിക നന്ദ എന്നിവർക്കെതിരെയാണ് പരാതി.

സിനിമാ – നിർമ്മാണ കമ്പനിയിൽ പണം നിക്ഷേപിക്കുകയും പണം വർധിപ്പിച്ച് നൽകാമെന്നും പറഞ്ഞ് ഇവർ കോടികൾ തട്ടിയെടുക്കുകയായിരുന്നു.

എന്നാൽ കൂടെ നിന്ന് വിശ്വാസം നേടിയെടുത്ത ശേഷം 1.5 കോടി രൂപ ഇവർ കൈക്കലാക്കി സ്വകാര്യ ആവശ്യങ്ങൾക്ക് ഉപയോ​ഗിക്കുകയുമായിരുന്നു എന്നാണ് പരാതി.