തമിഴ് പറഞ്ഞു പഠിപ്പിച്ചു തന്നതിന്, രുചികരമായ ഭക്ഷണം തന്നതിന് ലവ് യൂ ഡാ നൻപാ: സേതുപതിയോട് ഷാരൂഖ്

ഷാരൂഖ് ഖാന്റെ പുത്തൻ ചിത്രമായ ജവാനിൽ തമിഴ് സൂപ്പർ താരമായ വിജയ് സേതുപതിയും അഭിനയിക്കുന്നുണ്ട്.

ജവാന്റെ പ്രിവ്യൂ സൂപ്പർ ഹിറ്റായി മാറിയതിൽ ആരാധകർക്കും വിജയ് സേതുപതിക്കും ഷാരൂഖ് ഖാൻ നന്ദി പറഞ്ഞു.

രണ്ട് ദിവസം മുൻപ് റിലീസ് ചെയ്ത പ്രിവ്യൂവിന് 56 മില്യൺ വ്യൂസാണ് ലഭിച്ചിരിക്കുന്നത്. എന്നാൽ വിജയ് സേതുപതിയെക്കുറിച്ച് താരം പറഞ്ഞ വാക്കുകളാണ് വൈറലായി മാറുന്നത്.

സാർ, നിങ്ങളോടൊപ്പം പ്രവർത്തിക്കാൻ സാധിച്ചതിൽ സന്തോഷം തോന്നുന്നു, സെറ്റിൽ വച്ച് കുറച്ച് തമിഴ് പഠിപ്പിച്ചതിനും രുചികരമായ ഭക്ഷണത്തിനും നന്ദി, ലവ് യൂ ഡിയർ നൻപാ എന്നാണ് ഷാരൂഖ് ഖാൻ പ്രിയ സുഹൃത്തിനായി കുറിച്ചത്.

ലേഡി സൂപ്പർ സ്റ്റാർ നയൻതാരയാണ് സിനിമയിൽ നായികയായെത്തുന്നത്. കൂടാതെ നയൻതാരയുടെ ബോളിവുഡ് അരങ്ങേറ്റ ചിത്രം കൂടിയാണിത്.