എങ്ങനെയെങ്കിലും ഒരു ​ഗ്ലാസ് മദ്യം കിട്ടണേ എന്നാണ് ആ​ഗ്രഹിച്ചിരുന്നത്: തുറന്നു പറച്ചിലുമായി ടോം ഹോളണ്ട്

സ്പൈഡർമാൻ താരം ടോം ഹോളണ്ട് അടുത്തിടെയാണ് സിനിമകളിൽ നിന്നും ഇടവേള എടുക്കുകയാണെന്ന് പ്രഖ്യാപിച്ചത്.

ഒരു സീരിസിൽ അഭിനയിച്ചത് മാനസികമായി തളർത്തിയതിനെ തുടർന്നാണ് താരം ഇത്തരമൊരു തീരുമാനം എടുത്തത്.

കഴിഞ്ഞ വർഷം മെയ് മുതലാണ് മദ്യം ഉപയോ​ഗിക്കാതിരുന്നത്. കുടി ശീലമായി പോയതിനാൽ എങ്ങനെയെങ്കിലും ഒരു ​ഗ്ലാസ് മദ്യം കിട്ടണമെന്നേ ഉണ്ടായിരുന്നുള്ളൂ എന്നാണ് താരം പറയുന്നത്.

കുടി നിർത്തി കഴിഞ്ഞപ്പോൾ ജീവിതം തന്നെ മാറി മറിഞ്ഞെന്നാണ് ടോം പറയുന്നത്. നല്ല ഉറക്കവും ലഭിച്ചു, ജോലിയിലും കൂടുതൽ ശ്രദ്ധിക്കാൻ സാധിച്ചെന്നും ടോം വ്യക്തമാക്കി.