ഇപ്പോഴെന്റെ സന്തോഷം നയൻതാരയുടെ കൂടെ അഭിനയിക്കാം എന്നതാണ്: മീര ജാസ്മിൻ

നീണ്ട ഒൻപത് വർഷങ്ങളുടെ ഇടവേളയ്ക്ക് ശേഷം സിനിമാ രം​ഗത്തേക്ക് തിരിച്ചു വരികയാണ് നടി മീര ജാസ്മിൻ.

വ്യക്തിപരമായ തന്റെ ചില ആവശ്യങ്ങൾക്ക് വേണ്ടിയാണ് ഇത്രയും നാളും മാറി നിന്നതെന്നും ഇനി മുതൽ അഭിനയത്തിൽ സജീവമാകുമെന്നും മീര പറഞ്ഞു.

സ്പോർട്സ് ഡ്രാമ ചിത്രമായ ടെസ്റ്റ് എന്ന സിനിമയിലാണ് താരം അടുത്തതായി അഭിനയിക്കുന്നത്. മാധവൻ, സിദ്ധാർഥ്, നയൻതാര എന്നിവരാണ് മറ്റ് അഭിനേതാക്കൾ.

നയൻതാരക്കൊപ്പം അഭിനയിക്കുന്നതിൽ ഏറെ സന്തോഷമുണ്ടെന്നും നടി കുറിച്ചു. ആയുധ എഴുത്ത് എന്ന ഹിറ്റ് ചിത്രത്തിൽ മാധവനായിരുന്നു മീരയുടെ നായകൻ.