ടാ​ഗോറിനെ അപമാനിച്ച് കരൺ ജോഹർ: വൻ പ്രതിഷേധം

കരൺ ജോഹർ ചിത്രം ‘റോക്കി ഔർ റാണി കി പ്രേം കഹാനി’ വിവാദത്തിൽ. ടാ​ഗോറിനെ അപമാനിച്ചു എന്നാണ് വിവാദം ഉയരുന്നത്.

ഏറെക്കാലത്തെ ഇടവേളയ്ക്ക് ശേഷമാണ് കരൺ തന്റെ സംവിധാനത്തിലെത്തുന്ന സിനിമയായ റോക്കി ഔർ റാണി കി പ്രേം കഹാനിയുമായെത്തിയത്.

ടാ​ഗോറിന്റെ ചിത്രം കണ്ട് മനസിലാകാതെ റോക്കി എന്ന കഥാപാത്രത്തെ അവതരിപ്പിക്കുന്ന രൺവീർ സിം​ഗ് മുത്തച്ഛ എന്ന് വിളിക്കുന്ന ഭാ​ഗമാണ് വിവാദത്തിലായത്.

ദേശീയ ​ഗാനം എഴുതിയ ടാ​ഗോറിനെ ഇത്തരത്തിൽ അപമാനിക്കുന്ന തരത്തിലുള്ള കാര്യങ്ങൾ ഉൾക്കൊള്ളിച്ച കരൺ ജോഹർ ചിത്രം റോക്കി ഔർ റാണി കി പ്രേം കഹാനിക്കെതിരെ സോഷ്യൽ മീഡിയയിലും പ്രതിഷേധം ഉയരുന്നുണ്ട്.

ബോളിവുഡിലെ ഹിറ്റ് സിനിമകളുടെ സ്പൂഫ് ആയാണ് ചിത്രമെത്തുന്നതെന്നാണ് സംവിധായകൻ അവകാശപ്പെടുന്നത്.