എനിക്കെതിരെ അന്ന് പ്രതികരിച്ചത് കുറച്ചുപേർ, മക്കൾ നന്നായി വരാനാണല്ലോ എല്ലാവരുടെയും ആ​ഗ്രഹം: ടിനി ടോം

കുറച്ചു നാൾ മുൻപ് മലയാള സിനിമാ രം​ഗത്തെ ലഹരി മരുന്നു ഉപയോ​ഗത്തെക്കുറിച്ച് തുറന്നു പറഞ്ഞ് നടൻ ടിനി ടോം രം​ഗത്തെത്തിയിരുന്നു.

മയക്കുമരുന്ന് അമിതമായതോടെ ചില താരങ്ങളുടെ പല്ല് വരെ പൊടിഞ്ഞുവെന്നാണ് അന്ന് ടിനി ടോം പറഞ്ഞത്. ഇത് പിന്നീട് വൻ പ്രശ്നങ്ങൾക്ക് തുടക്കമിടുകയായിരുന്നു.

പലരും ടിനി ടോമിനെതിരെ രം​ഗത്തെത്തിയിരുന്നു. സത്യത്തിനും നൻമക്കും മാത്രമേ അവസാനം വിജയം ഉണ്ടാകുള്ളുവെന്ന് എല്ലാവരും കാണിച്ചു തന്നുവെന്നും നടൻ ടിനി ടോം പറഞ്ഞു, ലഹരി വിരുദ്ധ ദിനവുമായി ബന്ധപ്പെട്ട് കാലടി ശ്രീ ശാരദ വിദ്യാലയം സംഘടിപ്പിച്ച പരിപാടിയിൽ പങ്കെടുത്തു സംസാരിക്കുകയായിരുന്നു ടിനി ടോം.