ആരാണാ മോഷ്ടാവ്?: വിനയ് ഫോർട്ട്, പ്രിയ വാര്യർ – രജീഷ ചിത്രം ‘കൊള്ള’ യുടെ ഒഫീഷ്യൽ ട്രയിലർ പുറത്ത്

ബോബി സഞ്ജയ് യുടെ കഥയിൽ സൂരജ് വർമ്മ സംവിധാനം ചെയ്യുന്ന കൊള്ള സിനിമയുടെ ഒഫീഷ്യൽ ട്രയിലർ പുറത്തിറങ്ങി.

രണ്ടു പെൺകുട്ടികളാണ് ചിത്രത്തിലെ പ്രധാന കഥാപാത്രങ്ങളായെത്തുന്നത്. ജൂൺ 9 നാണ് ചിത്രം തിയേറ്ററുകളിലെത്തുക. ത്രില്ലർ ​ഗണത്തിലുള്ള സൂരജ് വർമ്മ ചിത്രമാണ് കൊള്ള.

രജീഷ് പ്രൊഡക്ഷൻസിന്റെ ബാനറിൽ കെവി രജീഷ് നിർമ്മിക്കുന്ന ചിത്രത്തിൽ വിനയ് ഫോർട്ട്, പ്രിയ വാര്യർ, പ്രിയ വാര്യർ എന്നിവർ കേന്ദ്ര കഥാപാത്രങ്ങളാകുന്നു.

ഒരു കെട്ടിടത്തിലുണ്ടാകുന്ന മോഷണവും അതിനെ തുടർന്നുണ്ടാകുന്ന സംഭവ വികാസങ്ങളുമാണ് ചിത്രം പറയുന്നത്.

 

ഡോക്ടർമാരായ നെൽസൺ ജോസഫും ജാസിം ജലാലും ചേർന്നാണ് ചിത്രത്തിന് തിരക്കഥയൊരുക്കിയത്. ജിയോ ബേബി, പ്രശാന്ത് അലക്സാണ്ടർ, പ്രേം പ്രകാശ്, അലൻസിയർ എന്നിവരും ചിത്രത്തിലഭിനയിക്കുന്നു. ലച്ചു രജീഷ് സഹ നിർമ്മാതാവാണ്.