ബോളിവുഡ് സൂപ്പർ താരം ഉർവശി റൗട്ടേല മുംബൈയിലെ സമ്പന്നരുടെ താമസസ്ഥലമായ ജുഹുവിൽ അതിമനോഹരമായ നാല് നില ബംഗ്ലാവ് സ്വന്തമാക്കിയ വാർത്തയാണ് ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത്. നഗരത്തിന്റെ ഹൃദയഭാഗത്ത് സ്ഥിതി ചെയ്യുന്ന ഈ വീട്ടിൽ താസമാക്കുന്നതിന് മുമ്പ് ഉർവ്വശി വിവിധ സ്ഥലങ്ങളിലായി താമസയോഗ്യമായ വീടുകൾ അന്വേഷിച്ചിരുന്നു.
ഏകദേശം 190 കോടി രൂപ വിലയുള്ള ഉർവ്വശിയുടെ പുതിയ വീട് കണ്ട് ഞെട്ടിയിരിക്കുകയാണ് ആരാധകർ. വിനോദത്തിനും വിശ്രമത്തിനും മതിയായ ഇടം നൽകുന്ന, വ്യക്തിഗത ജിമ്മും വിശാലമായ വീട്ടുമുറ്റവും കൂടി ഉൾപ്പെടുന്നതാണ് അതിമനോഹരമായ ഈ വീട്.
ഇതിഹാസ ചലച്ചിത്രകാരൻ യാഷ് ചോപ്രയുടെ ഭാര്യ പമേല ചോപ്രയുടെ ഉടമസ്ഥതയിലുള്ള അത്യാഡംബര ബംഗ്ലാവുമായി ഏറെ അടുത്താണ് ഉർവശിയുടെ പുത്തൻ വീടും എന്നത് ഏറെ ശ്രദ്ധേയമാണ്.
പുതിയ വീട്ടിൽ പൂന്തോട്ടത്താൽ അലങ്കരിച്ച വിശാലമായ വീട്ടുമുറ്റവും സൂക്ഷ്മമായി രൂപകൽപ്പന ചെയ്ത മനോഹരങ്ങളായ ഇന്റീരിയറുകൾ എന്നിവ എല്ലാം ഉൾപ്പെടുത്തിയിട്ടുണ്ട്.
ബോളിവുഡ് സൂപ്പർ താരങ്ങളായ കാജോളിന്റെയും അജയ് ദേവ്ഗന്റെയും പുതിയ വീട് ‘ശിവശക്തി’, ജോൺ എബ്രഹാമിന്റെ ‘വില്ല ഇൻ ദി സ്കൈ’, ഹൃത്വിക് റോഷന്റെ മന്നത്ത് അപ്പാർട്ടുമെന്റുകൾ എന്നിവയും ഉർവശിയുടെ പുത്തൻ വീടിന് സമീപത്തായുണ്ട്.
Post Your Comments