കൊച്ചി: സ്റ്റേജ് ഷോകളിലൂടെയും ടെലിവിഷൻ പരിപാടികളിലൂടെയും മലയാള സിനിമയിലെത്തി പ്രേക്ഷകരുടെ പ്രിയതാരമായി മാറിയ നടനാണ് ധര്‍മ്മജന്‍ ബോള്‍ഗാട്ടി. ഇപ്പോൾ, അഭിമുഖത്തിൽ ധർമ്മജൻ പറഞ്ഞ വാക്കുകളാണ് സോഷ്യൽ മീഡിയയിൽ ശ്രദ്ധനേടുന്നത്. ആര്‍ക്കും ഒരു പരാതിയും പറയാനില്ലാത്ത രണ്ടു വ്യക്തിത്വങ്ങളാണ് ഇകെ നായനാരും ഇന്നസെന്റുമെന്ന് ധര്‍മ്മജന്‍ പറയുന്നു.
‘പാപ്പി അപ്പച്ചാ’ എന്ന തന്റെ ആദ്യ ചിത്രത്തിൽ അഭിനയിക്കുമ്പോൾ ഇന്നസെന്റിൽ നിന്നുണ്ടായ പരിഗണകളെ കുറിച്ചും ധർമജൻ തുറന്നു പറഞ്ഞു.
ധര്‍മ്മജന്‍ ബോള്‍ഗാട്ടിയുടെ വാക്കുകൾ ഇങ്ങനെ;
രാജേഷ് മാധവനും, ചിത്രയും പ്രധാന റോളിൽ: ‘സുരേശന്റേയും സുമലതയുടേയും ഹൃദയഹാരിയായ പ്രണയ കഥ’ ആരംഭിച്ചു
‘ഞങ്ങള്‍ അടുത്തടുത്ത മുറികളിലാണ് താമസിച്ചിരുന്നത്. ഷൂട്ടിങ് കഴിഞ്ഞു വന്ന്, ഫ്രഷായി ഭക്ഷണം കഴിക്കാന്‍ ഇരിക്കുമ്പോള്‍ ഇന്നസെന്റ് ചേട്ടന് വിളിക്കും. ഞാന്‍ എന്റെ ഭക്ഷണം എടുത്ത് അങ്ങോട്ട് പോകും, പുള്ളിയുടെ കൂടെ സംസാരിച്ചിരുന്നു ഭക്ഷണം കഴിക്കും. ചിലപ്പോള്‍ ആ റൂമില്‍ തന്നെ കിടന്നുറങ്ങും. തുടക്കക്കാരന്‍ ആണെന്നൊരു അകല്‍ച്ചയൊന്നും പുള്ളി കാണിച്ചിരുന്നില്ല. കുറച്ചു സിനിമകള്‍ കഴിഞ്ഞപ്പോള്‍, വീണ്ടും ഞങ്ങളൊരുമിച്ചുള്ള ഒരു സെറ്റില്‍ വെച്ച് പുള്ളി സ്യൂട്‌കേസ് തുറന്ന് അമ്മയുടെ മെമ്പര്‍ഷിപ്പ് ഫോം എടുത്ത് തന്നു. എന്നിട്ട് അംഗത്വം എടുക്കാന്‍ ഉപദേശിച്ചു.
കുറച്ചു നാള്‍ കഴിഞ്ഞെന്നെ കണ്ടപ്പോള്‍ പുള്ളി എന്നോട് വീണ്ടും പറഞ്ഞു, മെമ്പര്‍ഷിപ്പ് ഫീ കൂടുന്നതിന് മുന്‍പ് അംഗത്വം എടുത്തോളൂ എന്ന്. പുള്ളിക്കത്ര ഓര്‍മ്മയാണ് കാര്യങ്ങള്‍. ഇന്നസെന്റ് ചേട്ടന് പ്രശ്‌നങ്ങള്‍ പരിഹരിക്കാന്‍ എല്ലാം വലിയ കഴിവാണ്, നമുക്കൊന്നും ഒരിക്കലും സാധിക്കില്ല. ദൈവം പ്രത്യേകം കൊടുത്തിട്ടുള്ള കഴിവാണ്.’
Post Your Comments