ആർആർആർ വില്ലൻ റേ സ്റ്റീവൻസൺ അന്തരിച്ചു

ഓസ്കാർ നേടിയ തെലുങ്ക് ഹിറ്റ് ചിത്രം RRR-ൽ വില്ലൻ കഥാപാത്രത്തെ അവതരിപ്പിച്ച ഹോളിവുഡ് നടൻ റേ സ്റ്റീവൻസൺ അന്തരിച്ചു, 58 വയസ്സായിരുന്നു.

മാർവലിന്റെ തോർ സിനിമകളിൽ റേ സ്റ്റീവൻസൺ അഭിനയിച്ചിട്ടുണ്ട്. ദി പണിഷർ, ഫ്രാങ്ക് കാസിൽ, കിംഗ് ആർതർ വാർ സോൺ പോലുള്ള സിനിമകൾക്കും റോം ഉൾപ്പെടെയുള്ള ടിവി ഷോകളിലും അഭിനയിച്ചിട്ടുള്ള താരം കൂടിയായിരുന്നു റേ സ്റ്റീവൻസൺ.

ദി അദർ ഗയ്സ്, കിൽ ദി ഐറിഷ്മാൻ, പോൾ ഡബ്ല്യുഎസ്, ദി ത്രീ മസ്കറ്റിയേഴ്സ്, ദി ബുക്ക് ഓഫ് ഇലി എന്നിവയും പ്രധാന ചിത്രങ്ങളാണ്. മരണകാരണം വെളിപ്പെടുത്തിയിട്ടില്ലെങ്കിലും ഇറ്റാലിയൻ ദ്വീപായ ഇഷിയയിൽ റേ സ്റ്റീവൻസണെ ചിത്രീകരണത്തിനിടെ ആശുപത്രിയിൽ പ്രവേശിപ്പിച്ചതായി റിപ്പോർട്ടുകൾ വന്നിരുന്നു.

ടീമിലെ ഞങ്ങളെയെല്ലാവരെയും ഞെട്ടിക്കുന്ന വാർത്ത! വിശ്രമിക്കൂ, റേ സ്റ്റീവൻസൺ. നിങ്ങൾ ഞങ്ങളുടെ ഹൃദയത്തിൽ എന്നെന്നും നിലനിൽക്കും, എന്ന് RRR-ന്റെ ഔദ്യോഗിക സോഷ്യൽ മീഡിയ ഹാൻഡിൽ വാർത്ത സ്ഥിരീകരിച്ച് കുറിച്ചു. ”ഞെട്ടിക്കുന്ന ഈ വാർത്ത വിശ്വസിക്കാൻ കഴിയുന്നില്ല. റേ സെറ്റുകളിൽ തന്നോടൊപ്പം വളരെയധികം ഊർജ്വസ്വലനായി കാണപ്പെട്ട വ്യക്തിയായിരുന്നു, അങ്ങനെയുള്ള അദ്ദേഹത്തോടൊപ്പം പ്രവർത്തിക്കുന്നത് സന്തോഷകരമായിരുന്നു. എന്റെ പ്രാർത്ഥനകൾ അദ്ദേഹത്തിന്റെ കുടുംബത്തോടൊപ്പമുണ്ട്, അദ്ദേഹത്തിന്റെ ആത്മാവിന് ശാന്തി നേരുന്നു.” എന്ന് സംവിധായകൻ എസ് എസ് രാജമൗലിയും ട്വീറ്റ് ചെയ്തു.

1964-ൽ ലിസ്ബേണിൽ ജനിച്ച സ്റ്റീവൻസൺ, 1998-ലെ ദി തിയറി ഓഫ് ഫ്ലൈറ്റിൽ ഹെലീന ബോൺഹാം കാർട്ടറിനൊപ്പം തന്റെ തകർപ്പൻ ചലച്ചിത്ര അരങ്ങേറ്റം നടത്തിയാണ് രം​ഗ പ്രവേശം ചെയ്തത്. ഫുക്വയുടെ 2004 ലെ കിംഗ് ആർതർ എന്ന സിനിമയിൽ ഡാഗോനെറ്റ് ആയി അഭിനയിച്ചു. മാർവലിലേക്കുള്ള ദി പനിഷർ 2008 ലാണ് അദ്ദേഹത്തെ തേടി എത്തിയത്.