കഷ്ട്ടപ്പെട്ട് ഏഴ് ടേക്ക് വരെ എടുത്താണ് ഇന്റിമേറ്റ് രം​ഗങ്ങൾ ഷൂട്ട് ചെയ്തത്, അവസാനം ക്ഷീണിച്ചുപോയി: കുബ്ര സെയ്ട്ട്

ഇന്റിമേറ്റ് രം​ഗങ്ങളിലെ അഭിനയം ബുദ്ധിമുട്ടേറിയതാണെന്ന് നടി കുബ്ര സെയ്ട്ട്. ഇത്തരം രം​ഗങ്ങളിൽ അഭിനയിക്കുമ്പോൾ കഷ്ട്ടപ്പാട് കൂടുതലാണെന്നും നടി പറഞ്ഞു.

നെറ്റ് ഫ്ലിക്സ് സീരിസായ സേക്രട്ട് ​ഗെയിംസിന്റെ ആദ്യ സീസണിൽ അഭിനയിച്ചതിനെക്കുറിച്ചാണ് കുബ്ര പറഞ്ഞത്. ശാരീരിക ബന്ധം ചിത്രീകരിച്ചതിന് ശേഷം താൻ അവശയായി നിലത്ത് വീഴുകയായിരുന്നു എന്നാണ് താരം പറയുന്നത്.

ട്രാൻസ് വുമൺ ആയാണ് താരം വേഷമിട്ടത്. നവാസുദ്ദീൻ സിദ്ദിഖിക്കൊപ്പമായിരുന്നു സെക്സ് രം​ഗങ്ങൾ ചിത്രീകരിക്കേണ്ടിയിരുന്നത്. രം​ഗം ആദ്യ ദിനം തന്നെ ഷൂട്ട് ചെയ്തു, അന്നത്തെ അവസാന ഷോട്ടും അതുതന്നെ ആയിരുന്നു.

ഏഴ് ഷോട്ടുകൾ വരെ അത് പോയി. എത്ര മണിക്കൂറുകൾ ആ ഷോട്ടിനായി പോയെന്ന് അറിയില്ല, അവസാനം തളർന്ന് താഴെ വീണു, അനുരാ​ഗ് കശ്യപും നവാസുദ്ദീനും ചേർന്നാണ് തന്നെ പിടിച്ചെണീപ്പിച്ചതെന്നും കുബ്ര പറഞ്ഞു.