അങ്ങനെ നീണ്ട 20 വർഷങ്ങൾക്ക് ശേഷം ‘നമ്മൾ’ റീയൂണിയൻ: ജിഷ്ണുവിനെ മിസ് ചെയ്യുന്നുവെന്ന് പ്രേക്ഷകരും

2022 ൽ സിനിമാ പ്രേമികളായ ഒരുകൂട്ടം ചെറുപ്പക്കാർക്ക് അവസരം നൽകി സംവിധായകൻ കമൽ പുറത്തിറക്കിയ ചിത്രമായിരുന്നു നമ്മൾ. പ്രശസ്ത നടൻ രാഘവന്റെ മകൻ ജിഷ്ണു, ഭരതന്റെയും കെപിഎസി ലളിതയുടെയും മകൻ സിദ്ധാർഥ് എന്നിവരാണ് പ്രധാന കഥാപാത്രങ്ങളായെത്തിയത്.

വിജേഷ്, അലക്സാണ്ടർ, ഭാവന, ദിനേഷ് പ്രഭാകർ, തുടങ്ങിയവർക്ക് മികച്ച കഥാപാത്രങ്ങളും ചിത്രത്തിലൂടെ ലഭിച്ചു. കോളേജ് പശ്ചാത്തലത്തിൽ കഥ പറഞ്ഞ ചിത്രത്തിന് മികച്ച വരവേൽപ്പാണ് അന്ന് ലഭിച്ചത്.

അതേ കൂട്ടുകാർ തന്നെ വീണ്ടും ഒത്തുചേർന്നിരിക്കുകയാണ് ഇപ്പോൾ. താരങ്ങൾ തന്നെയാണ് റീ യൂണിയൻ ചിത്രങ്ങൾ സോഷ്യൽ മീഡിയയിലൂടെ പങ്കുവച്ചത്.

നമ്മൾ ചിത്രം റിലീസ് ചെയ്തിട്ട് 20 വർഷം പിന്നിടുന്നു, അത്രയും വർഷം പഴക്കമുണ്ട് ഈ സൗഹൃദത്തിനും, ജിഷ്ണുവിനെ മിസ് ചെയ്യുന്നു എന്നാണ് ചിത്രം പങ്കുവച്ച് സിദ്ധാർഥ് എഴുതിയത്. അകാലത്തിൽ വിടവാങ്ങിയ താരത്തെ തങ്ങളും മിസ് ചെയ്യുന്നുവെന്ന് ആരാധകരും കുറിച്ചു.