32,000 സ്ത്രീകൾ എന്നത് നിർമ്മാതാക്കൾ തന്നെ 3 ആക്കിമാറ്റി, എന്താണ് അർത്ഥമാക്കുന്നത്?: ടൊവിനോ തോമസ്

മുംബൈ: ‘ദി കേരള സ്റ്റോറി എന്ന ചിത്രവുമായി ബന്ധപ്പെട്ട് ഉയരുന്ന വിവാദങ്ങളിൽ പ്രതികരിച്ച് നടൻ ടൊവിനോ തോമസ്. ചിത്രം താൻ കണ്ടില്ലെന്ന് ടൊവിനോ പറഞ്ഞു. ട്രെയ്‌ലറിലെ വിവരണത്തിൽ ‘32,000 സ്ത്രീകൾ’ എന്നായിരുന്നു, എന്നിട്ട് നിർമാതാക്കൾ തന്നെ അത് 3 ആക്കിമാറ്റി. ഇതുകൊണ്ട് എന്താണ് അർത്ഥമാക്കുന്നതെന്ന് ടൊവിനോ ചോദിച്ചു. ദി കേരള സ്റ്റോറി തന്റെ നാടിനെ പ്രത്യേക രീതിയിൽ ചിത്രീകരിക്കുന്നത് വേദനിപ്പിക്കുന്നുണ്ടോ എന്ന ചോദ്യത്തിന് മറുപടി നൽകുകയായിരുന്നു താരം.

ടൊവിനോ തോമസിന്റെ വാക്കുകൾ ഇങ്ങനെ;

‘കേരള സ്റ്റോറിയുടെ ട്രെയ്‌ലർ മാത്രമാണ് ഞാൻ കണ്ടത്. സിനിമ ഇതുവരെ കണ്ടിട്ടില്ല. കൂടാതെ കണ്ടവരോട് സംസാരിച്ചിട്ടുമില്ല. ട്രെയ്‌ലറിലെ വിവരണത്തിൽ ‘32,000 സ്ത്രീകൾ’ എന്നായിരുന്നു, എന്നിട്ട് നിർമ്മാതാക്കൾ തന്നെ അത് 3 ആക്കിമാറ്റി. എന്താണ് അർത്ഥമാക്കുന്നത്? എനിക്കറിയാവുന്നിടത്തോളം കേരളത്തിൽ 35 ദശലക്ഷം ആളുകളുണ്ട്, ഈ മൂന്ന് സംഭവങ്ങൾ കൊണ്ട് ആർക്കും അതിനെ സാമാന്യവൽക്കരിക്കാൻ കഴിയില്ല.

മനസ്സിനെ പിടിച്ചുലച്ച സിനിമ, കേരളത്തിന്റെയല്ല ലോകത്തിന്റെ കഥയാണ് ‘ദി കേരളാ സ്റ്റോറി’: അബ്ദുള്ളക്കുട്ടി

ഇത് കേരളത്തിൽ നടന്നുവെന്ന വസ്തുത ഞാൻ നിഷേധിക്കില്ല. ഇത് സംഭവിച്ചിരിക്കാം. എനിക്ക് വ്യക്തിപരമായി ഇത് അറിയില്ല, പക്ഷേ ഞാൻ ഇത് വാർത്തകളിൽ വായിച്ചിട്ടുണ്ട്. ഇന്ന് നമ്മൾ കാണുന്നതെല്ലാം വസ്തുതകളല്ല. കേവലം അഭിപ്രായങ്ങൾ മാത്രമാണ്. അഞ്ച് വ്യത്യസ്ത ചാനലുകളിൽ ഒരേ വാർത്ത അഞ്ച് വ്യത്യസ്തമായ രീതിയിൽ കൊടുക്കുന്നത് നമ്മൾ കാണുന്നു. അതിനാൽ ശരിയും തെറ്റും എനിക്കറിയാം. 35 ദശലക്ഷത്തിൽ മൂന്ന് സാമാന്യവൽക്കരിക്കാൻ കഴിയില്ല, തെറ്റായ വിവരങ്ങൾ നൽകുന്നത് വളരെ മോശമാണ്.’