‘ജാനകി ജാനേ’: ട്രെയിലർ മോഹൻലാൽ പ്രകാശനം ചെയ്തു

കൊച്ചി: അനീഷ് ഉപാസന തിരക്കഥ രചിച്ച് സംവിധാനം ചെയ്യുന്ന ജാനകി ജാനേ എന്ന ചിത്രത്തിന്റെ ട്രെയിലർ മെഗാ സ്റ്റാർ മോഹൻലാലിന്റെ ഒഫീഷ്യൽ പേജിലൂടെ പുറത്തുവിട്ടു. പിവി ഗംഗാധരൻ അവതരിപ്പിക്കുന്ന ഈ ചിത്രം എസ് ക്യൂബ് ഫാലിംസിന്റെ ബാനറിൽ ഷെനുഗാ, ഷെഗ്നാ, ഷെർഗ എന്നിവരാണ് നിർമ്മിക്കുന്നത്.

പ്രസ് ജീവനക്കാരിയായ ജാനകിയുടേയും സബ്ബ് കോൺട്രാക്ടർ ഉണ്ണി മുകുന്ദന്റെയും കുടുംബ ജീവിതത്തിലെ രസകരമായ മുഹൂർത്തങ്ങളിലൂടെയാണ് ഈ ചിത്രത്തെ അവതരിപ്പിക്കുന്നത്.
നവ്യാനായരും സൈജുക്കുറുപ്പുമാണ് ഈ കഥാപാത്രങ്ങളെ പ്രതിനിധീകരിക്കുന്നത്.

കക്കുകളിയെ കൊക്കുകളിയാക്കി, നാടക സാംസ്കാരിക പാർട്ടി അടിമകളും മൗനം ആചരിക്കുകയാണ്: ഹരീഷ് പേരടി

ഷറഫുദ്ദീൻ, ജോണി ആന്റണി, കോട്ടയം നസീർ, അനാർക്കലി, ജയിംസ് ഏല്യാസ്, പ്രമോദ് വെളിയനാട്, സ്മിനു സിജോ, ജോർജ് കോര, അഞ്ജലി സത്യനാഥ്, ശൈലജ കൊട്ടാരക്കര, സതി പ്രേംജി, അൻവർ ഷെരീഫ്, വിദ്യാ വിജയകുമാർ എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.

ഗാനങ്ങൾ – എങ്ങണ്ടിയൂർ ചന്ദ്രശേഖരൻ, സംഗീതം – കൈലാസ് മേനോൻ,
സംഗീതം, പശ്ചാത്തല സംഗീതം – സിബി മാത്യൂ അലക്സ്‌, ഛായാഗ്രഹണം – ശ്യാമ പ്രകാശ് എംഎസ്, എഡിറ്റിംഗ് – നൗഫൽ അബ്ദുള്ള, കലാസംവിധാനം – ജ്യോതിഷ് ശങ്കർ,
കോ-റൈറ്റേഴ്സ് – അനിൽ നാരായണൻ – രോഹൻ രാജ്, ചീഫ് അസ്സോസ്സിയേറ്റ് ഡയറക്ടർ – രഘുരാമ വർമ്മ, ലൈൻ പ്രൊഡ്യൂസർ – ഹാരിസ് ദേശം. മെയ് പന്ത്രണ്ടിന് കൽപ്പകാ ഫിലിംസ് ഈ ചിത്രം പ്രദർശനത്തിനെത്തി ക്കുന്നു.

വാഴൂർ ജോസ്.