നടൻ ഫഹദ് ഫാസിലിനെതിരെ പരാതികൾ ലഭിച്ചെന്നുള്ള തരത്തിലുള്ള പ്രചരണം അടുത്തിടെ നടന്നിരുന്നു. പ്രശസ്ത മലയാള സിനിമാ സംവിധായകൻ സത്യൻ അന്തിക്കാടിന്റെ മകനടക്കം പരാതി നൽകിയിവരുടെ കൂട്ടത്തിൽ പെടുന്നുണ്ട് എന്നും പുറത്ത് വന്നിരുന്നു.
എന്നാൽ ഇവയെല്ലാം അടിസ്ഥാന രഹിതമായ വെറും ആരോപണങ്ങൾ മാത്രമാണെന്നും ഫഹദിനെതിരെ പരാതിയുമായി ആരും വന്നിട്ടില്ലെന്നും ഫെഫ്ക ജനറൽ സെക്രട്ടറി ബി ഉണ്ണികൃഷ്ണൻ പറഞ്ഞു.
ബിഗ് ബജറ്റ് ചിത്രങ്ങളിൽ അഭിനയിക്കാൻ പോയതോടെ മലയാള ചിത്രങ്ങളിൽ ഡേറ്റ് നൽകിയ പല സിനിമകളും താളം തെറ്റിയെന്നുള്ള തരത്തിലായിരുന്നു പ്രചരണം.
മലയാളത്തിൽ മാത്രമല്ല തെലുങ്കിലും തമിഴിലും തിരക്കുള്ള താരമാണ് ഇന്ന് ഫഹദ് ഫാസിൽ. ഏതാനും യുവ താരങ്ങൾക്കെതിരെ ബി ഉണ്ണികൃഷ്ണൻ, സാന്ദ്രാ തോമസ് എന്നിവരെല്ലാം പരസ്യമായി രംഗത്ത് വന്നിരുന്നു.
Post Your Comments