എന്റെ അമ്മ നിങ്ങളെ പോലെ ഒരു മനുഷ്യ സ്ത്രീയാണ്, മോശമായി ചിത്രീകരിക്കരുത്: പ്രതികരിച്ച് മീനയുടെ മകൾ നൈനിക

മലയാളികളുടെ പ്രിയ താരമാണ് മീന. തമിഴ് സിനിമകളിൽ സജീവമായ മീന വർഷങ്ങളായി മലയാള സിനിമാ രം​ഗത്തും നിറഞ്ഞു നിൽക്കുന്ന നടിയാണ്.

അടുത്തിടെ താരത്തിന്റെ ഭർത്താവ് മരണപ്പെട്ടിരുന്നു. തുടർന്ന് സോഷ്യൽ മീഡിയയിലും, ചില ചാനലുകളും അടക്കം മീനയെയും മറ്റ് സഹതാരങ്ങളെയും ചേർത്ത് അപവാദം പ്രചരിപ്പിപ്പിച്ചിരുന്നു.

പ്രശസ്ത തമിഴ് നടൻ ധനുഷിനൊപ്പവും താരത്തിന്റെ പേര് പറഞ്ഞ് ചിലർ രം​ഗത്തെത്തിയിരുന്നു. ഉടൻ മീനയും ധനുഷും വിവാഹിതരാകും എന്ന തരത്തിലായിരുന്നു വാർത്ത പ്രചരിപ്പിച്ചത്.

എന്നാലിപ്പോൾ അപവാദം പ്രചരിപ്പിക്കുന്നതും, പരിഹസിക്കുന്നതുമെല്ലാം അതിര് കടന്നപ്പോൾ മീനയുടെ മകൾ നൈനിക തന്നെ രം​ഗത്തെത്തിയിരിക്കുകയാണ്.

എന്റെ അമ്മ നിങ്ങൾക്ക് നടി ആയിരിക്കാം, പക്ഷേ അവരും മനുഷ്യ സ്ത്രീയാണ്. ജീവിതത്തിൽ അവരും സന്തോഷം ആ​ഗ്രഹിക്കുന്നുണ്ട് അതുകൊണ്ട് അപവാദങ്ങളും ആക്ഷേപങ്ങളും അമ്മക്ക് നേരെ ഇനി പ്രയോ​ഗിക്കരുതെന്നും നൈനിക വ്യക്തമാക്കി. കഴിഞ്ഞ വർഷം ജൂണിലാണ് കോവിഡാനന്തര പ്രശ്നങ്ങളെ തുടർന്ന് മീനയുടെ ഭർത്താവ് വിദ്യാ സാ​ഗർ മരണപ്പെട്ടത്.