ഓരോ മാസവും ഒരു ലക്ഷം രൂപയോളമാണ് ഡയറ്റീഷ്യന് വേണ്ടി താൻ ചിലവാക്കുന്നതെന്ന് നടി തപ്സി പന്നു. ഫിറ്റ്‌നസ് കാര്യങ്ങളില്‍ ഏറെ ശ്രദ്ധ ചെലുത്തുന്ന താരങ്ങളില്‍ ഒരാളാണ് തപ്സി. ഏത് നഗരത്തിലാണ്, അല്ലെങ്കില്‍ ഏത് രാജ്യത്താണ് നമ്മള്‍ താമസിക്കുന്നത് എന്നതിനെ ആശ്രയിച്ച്, നമുക്ക് ഏറ്റവും അനുയോജ്യമായ ഭക്ഷണം ഏതെന്ന് പറയാന്‍ നമ്മളില്‍ ഭൂരിഭാഗം പേര്‍ക്കും ഒരു പ്രൊഫഷണലിന്റെ ഉപദേശം ആവശ്യമാണ് എന്നാണ് താരം പറയുന്നത്.
താരത്തിന്റെ വാക്കുകൾ :
ഒരു ലക്ഷം രൂപയാണ് താന്‍ ഓരോ മാസവും ഡയറ്റീഷ്യനായി ചിലവഴിക്കുന്നത്. തന്റെ പിതാവ് വളരെ കുറച്ച് മാത്രം ചെലവഴിക്കാറുള്ള ആളാണ്. ഒരു ജീവിതകാലം മുഴുവന്‍ പണം സമ്പാദിച്ചിട്ടും അദ്ദേഹമത് സ്വന്തം ആവശ്യങ്ങള്‍ക്കായി ചെലവഴിക്കാറില്ല.
തന്നെയും സഹോദരിയേയും ഓര്‍ത്ത് വിഷമിക്കേണ്ട, തങ്ങള്‍ക്ക് വലിയ കല്യാണം നടത്താനായി സമ്പാദിച്ചു വയ്‌ക്കേണ്ടതില്ല, ആ ചെലവുകള്‍ തങ്ങള്‍ക്ക് വഹിക്കാവുന്നതേയുള്ളൂ എന്ന് അച്ഛനോട് പറഞ്ഞിട്ടുണ്ട്. എന്നിട്ടും അച്ഛന്‍ എപ്പോഴും ചെലവഴിക്കുന്നതിനെ കുറിച്ച് ദേഷ്യപ്പെടും.
വീട്ടിലേത്തുമ്പോള്‍, ഒരു ഡയറ്റീഷ്യന് വേണ്ടി ഇത്രയും തുക ചെലവഴിക്കുന്നതിന് അദ്ദേഹം ഉറപ്പായും ശകാരിക്കും. താന്‍ ഏത് സിനിമ ചെയ്യുന്നു, എവിടെയാണ് കഴിയുന്നത് എന്നതിന് അനുസരിച്ച്, ഭക്ഷണക്രമത്തില്‍ മാറ്റമുണ്ടാകും. നാലോ അഞ്ചോ വര്‍ഷം കഴിയുമ്പോള്‍ നിങ്ങളുടെ ശരീരവും മാറുന്നു.
ഏത് നഗരത്തിലാണ്, അല്ലെങ്കില്‍ ഏത് രാജ്യത്താണ് നമ്മള്‍ താമസിക്കുന്നത് എന്നതിനെ ആശ്രയിച്ച്, നമുക്ക് ഏറ്റവും അനുയോജ്യമായ ഭക്ഷണം ഏതെന്ന് പറയാന്‍ നമ്മളില്‍ ഭൂരിഭാഗം പേര്‍ക്കും ഒരു പ്രൊഫഷണലിന്റെ ഉപദേശം ആവശ്യമാണ്. കാലാവസ്ഥയും പ്രദേശിക ഉല്‍പന്നങ്ങളും അതില്‍ പങ്ക് വഹിക്കുന്നുണ്ട്’.
Post Your Comments