താന്‍ അഭിനയിച്ച സിനിമകള്‍ ഭര്‍ത്താവ് നിര്‍മ്മിച്ചതാണെങ്കില്‍ ഒരു വര്‍ഷം തനിക്ക് എത്ര സിനിമകള്‍ വേണമെങ്കിലും ചെയ്യാമായിരുന്നില്ലേ എന്ന് നടി ഷീലു എബ്രഹാം. തനിക്ക് അഭിനയിക്കാന്‍ വേണ്ടിയാണ് ഭര്‍ത്താവ് സിനിമകള്‍ നിര്‍മ്മിക്കുന്നത് എന്നത് തെറ്റായ പ്രചാരണമാണെന്നാണ് ഫ്ളവേഴ്സ് ഒരു കോടി ഷോയില്‍ താരം പറയുന്നത്. സിനിമാ നിര്‍മ്മാണ രംഗത്ത് സജീവമായ അബാം മൂവീസിന്റെ ഓണര്‍ എബ്രഹാം മാത്യു ആണ് ഷീലുവിന്റെ ഭര്‍ത്താവ്.
വാക്കുകൾ വിശദമായി :
താന്‍ അഭിനയിച്ച സിനിമകള്‍ ആ രീതിയില്‍ ഭര്‍ത്താവ് നിര്‍മ്മിച്ചതാണെങ്കില്‍ ഒരു വര്‍ഷം തനിക്ക് എത്ര സിനിമകള്‍ വേണമെങ്കിലും ചെയ്യാമായിരുന്നില്ലേ . പുറത്ത് ആളുകള്‍ പറയുന്നത് ഭര്‍ത്താവിന്റെ കയ്യില്‍ പണമുണ്ട്. അതുകൊണ്ട് ഭാര്യക്ക് അഭിനയിക്കാന്‍ കുറച്ച് പടം പിടിക്കുന്നു എന്നാണ്. പക്ഷെ അതൊരു തെറ്റിദ്ധാരണയാണ്. കാരണം അവര്‍ക്ക് ഇതിനെ കുറിച്ച് അറിയില്ല.
ഒരു സിനിമക്ക് വേണ്ടി വെറുതെ കളയാനുള്ളതിന് മാത്രം പൈസയൊന്നുമില്ല. ആ പണം അദ്ദേഹം രാപ്പകലില്ലാതെ കഷ്ടപ്പെട്ട് ഉണ്ടാക്കുന്നതാണ്. താന്‍ അഭിനയിച്ച സിനിമകള്‍ അങ്ങനെയാണെങ്കില്‍ ഒരു വര്‍ഷം എത്രയോ സിനിമകള്‍ ചെയ്യാം. താന്‍ അഭിനയിച്ച ബിഗ് ബജറ്റ് സിനിമ സോളോ ആണ്. ആറ് വര്‍ഷം മുമ്പ് ആ സിനിമക്ക് ചിലവാക്കിയത് 12 കോടിയാണ്. ആ സിനിമയില്‍ തന്നെ കാണാന്‍ പോലുമില്ല. അഭിനയിച്ചിട്ടുണ്ടോ എന്നത് നമ്മള്‍ പറഞ്ഞാല്‍ മാത്രമെ അറിയുകയുള്ളൂ. പിന്നെ നമ്മള്‍ നിര്‍മ്മിച്ച ഒരു സിനിമയും പെട്ടിക്കകത്ത് നിന്നു പോയിട്ടില്ല.
എല്ലാം റിലീസ് ചെയ്ത് നഷ്ടമില്ലാതെ പോകുന്ന ഒരു പ്രൊഡക്ഷന്‍ കമ്പനിയാണ്. ബിസിനസുകാരന്റെ ഭാര്യയായതിനാല്‍ അതിനകത്ത് നമ്മള്‍ ഡെഡിക്കേറ്റഡായിരിക്കണം. ഇപ്പോള്‍ താനും സിനിമ നിര്‍മ്മിക്കാന്‍ തുടങ്ങി, വീകം ആണ് നിര്‍മ്മിച്ച സിനിമ.’
Post Your Comments