കൊച്ചി: ബിഗ് ബോസ് സീസൺ 4 ലൂടെ പ്രേക്ഷകപ്രീതി പിടിച്ച് പറ്റിയ താരമാണ് റോവിന് രാധാകൃഷ്ണൻ. റോബിന്‍ നായകനാകുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ എത്തി. ‘രാവണയുദ്ധം’ എന്നാണ് ചിത്രത്തിന്റെ പേര്. റോബിന്‍ തന്നെയാണ് ചിത്രത്തിന്റെ ഫസ്റ്റ് ലുക്ക് പങ്കുവച്ചത്. സംവിധാനവും നിർമ്മാണവും റോബിൻ തന്നെയാണ്. ഇതിനിടെ തനിക്ക് രാഷ്ട്രീയത്തിലേക്ക് ഇറങ്ങാന്‍ താല്‍പര്യമുണ്ടെന്ന് റോബിന്‍ പറഞ്ഞിരുന്നു. ഇതുമായി ബന്ധപ്പെട്ട് ചിലര്‍ തന്നെ സമീപിച്ചെന്നും റോബിന്‍ പറഞ്ഞിരുന്നു. കൈരളി ചാനലിന് നല്‍കിയ അഭിമുഖത്തിലാണ് റോബിന്‍ ഇതേകുറിച്ച് വെളിപ്പെടുത്തിയത്.
എന്നാല്‍ ഇപ്പോള്‍ താന്‍ സിനിമയില്‍ മാത്രമാണ് ഫോക്കസ് ചെയ്യുന്നതെന്നാണ് റോബിന്‍ പറഞ്ഞത്. തനിക്കെതിരെ മോശം കാര്യങ്ങൾ പറയുന്നത് പോലും തനിക്ക് പ്രൊമോഷൻ ആണെന്നാണ് റോബിന്റെ അഭിപ്രായം. ‘കല്യാണത്തിന് എല്ലാ മീഡിയക്കാരും വരണം. ഞാൻ ഇപ്പോഴും ലൈംലൈറ്റിൽ നിൽക്കാൻ കാരണം എനിക്കെതിരെ നെഗറ്റിവ് ചെയ്യുന്നവർ ആണ്. എന്നെ ഡീഗ്രേഡ് ചെയ്‌താൽ എന്റെ ഗ്രാഫ് താഴേക്ക് പോകുമെന്നാണ് ഇവർ കരുതുന്നത്. എനിക്കാണേൽ ഇതൊന്നും നിൽക്കുന്നില്ല. കേരളത്തിൽ ഏതെങ്കിലും ഒരു വിവാഹനിശ്ചയം രണ്ട് ആഴ്ചകൾക്ക് ശേഷവും ഇങ്ങനെ ചർച്ചയായിട്ടുണ്ടോ?’, റോബിൻ ചോദിക്കുന്നു.
അതേസമയം, റോബിന്റെ പുതിയ ചിത്രത്തിന്റെ തിരക്കഥയും നായകനും സംവിധായകനും റോബിന്‍ തന്നെയാണ്. മോഡലും നടിയും റോബിന്റെ ഭാവി വധുവായ ആരതി പൊടിയാകും പുതിയ സിനിമയില്‍ നായികാ വേഷത്തിലെത്തുകയെന്നാണ് റിപ്പോര്‍ട്ടുകള്‍. റോബിന്റേതായി പുറത്തുവരാനിരിക്കുന്ന രണ്ടാമത്തെ ചിത്രമാകും ‘രാവണയുദ്ധം’. വേണു ശശിധരന്‍ ലേഖ ആണ് ചിത്രത്തിന്റെ ഛായാഗ്രഹണം. സംഗീത സംവിധാനം ശങ്കര്‍ ശര്‍മ്മ നിര്‍വ്വഹിക്കും. ഡോ. റോബിന്‍ രാധാകൃഷ്ണന്‍ ഫിലിം പ്രൊഡക്ഷന്‍സിന്റെ ബാനറില്‍ റോബിന്‍ തന്നെയാണ് ചിത്രം നിര്‍മിക്കുന്നത്. നവംബറില്‍ സിനിമയുടെ ചിത്രീകരണം ആരംഭിക്കുമെന്നാണ് റിപ്പോര്‍ട്ടുകള്‍.
Post Your Comments