ആദ്യ തോൽവിക്ക് ശേഷം സെലിബ്രിറ്റി ക്രിക്കറ്റ് ലീഗില്‍ കേരള സ്‌ട്രൈക്കേഴ്‌സ് ഇന്ന് കര്‍ണാടക ബുള്‍ഡോസേഴ്‌സുമായി ഏറ്റുമുട്ടും. ഇന്ന് ഉച്ച കഴിഞ്ഞ് 2.30 ന് ജയ്പൂരില്‍ വച്ച് നടക്കുന്ന കളിയിൽ ക്യാപ്റ്റന്‍ കുഞ്ചാക്കോ ബോബനാണ് ടീമിനെ നയിക്കുക. കഴിഞ്ഞ ഞായറാഴ്ച നടന്ന, ഈ സീസണിലെ തങ്ങളുടെ ആദ്യ മത്സരത്തില്‍ കേരള സ്‌ട്രൈക്കേഴ്‌സ് തെലുങ്ക് വാരിയേഴ്‌സിനോട് തോല്‍വി ഏറ്റുവാങ്ങിയിരുന്നു.
കേരള സ്ട്രൈക്കേഴ്സിന്റെ ക്യാപ്റ്റനും ബ്രാന്‍ഡ് അംബാസിഡറുമായ കുഞ്ചാക്കോ ബോബന്‍ ആദ്യ മത്സരത്തില്‍ പങ്കെടുത്തിരുന്നില്ല. പകരം സ്റ്റാന്‍ഡിംഗ് ക്യാപ്റ്റനായി ഉണ്ണി മുകുന്ദനാണ് ടീമിനെ നയിച്ചത്. ടോസ് നേടി ഫീല്‍ഡിംഗ് തിരഞ്ഞെടുത്ത ഉണ്ണി മുകുന്ദനും സംഘത്തിനും മുന്നില്‍ ഗംഭീര ബാറ്റിംഗ് ആയിരുന്നു ക്യാപ്റ്റന്‍ അഖില്‍ അക്കിനേനിയുടെ നേതൃത്വത്തില്‍ തെലുങ്ക് വാരിയേഴ്‌സ് നടത്തിയത്.
രാജീവ് പിള്ള ഒഴികെയുള്ള കേരള താരങ്ങള്‍ റണ്‍സ് കണ്ടെത്താന്‍ വിയര്‍ക്കുന്ന കാഴ്ചയാണ് കഴിഞ്ഞ തവണ കണ്ടത്. ആദ്യ മത്സരത്തിലെ പോരായ്മകള്‍ രണ്ടാമത്തെ മത്സരത്തില്‍ കേരള സ്‌ട്രൈക്കേഴ്‌സ് നികത്താനാണ് സാധ്യത.
Post Your Comments