സോഷ്യല്‍ മീഡിയയില്‍ വളരെ സജീവമായ അമല പോൾ പങ്കുവെക്കുന്ന ചിത്രങ്ങളും വീഡിയോകളുമെല്ലാം ശ്രദ്ധനേടാറുണ്ട്. അത്തരത്തിൽ കഴിഞ്ഞ ദിവസം നടി പങ്കുവച്ച പുതിയ വീഡിയോയാണ് ഇപ്പോൾ വൈറലാകുന്നത്. സിനിമാ തിരക്കുകളില്‍ നിന്നും ചെറിയൊരു ഇടവേള എടുത്തിരിക്കുകയാണ് താരം. ബാലിയില്‍ അവധി ആഘോഷിക്കുന്ന ചിത്രങ്ങളും വീഡിയോയുമാണ് അമലയുടെ പ്രൊഫൈലില്‍ നിറയുന്നത്.
വളരെ സാഹസികവും അതേ സമയം രസകരവുമായ വീഡിയോയാണ് അമല ഇപ്പോള്‍ പങ്കുവച്ചിരിക്കുന്നത്.
വെള്ളച്ചാട്ടത്തിനരികിലെ കൂറ്റൻ പാറക്കെട്ടുകളിൽ അള്ളിപ്പിടിച്ച് കയറുന്ന അമലയെ വീഡിയോയിൽ കാണാം. പറക്കെട്ടിന് മുകളിൽ എത്തിയ അമല താഴേക്ക് ചാടുകയും ചെയ്യുന്നു. ഒപ്പം വെള്ളച്ചാട്ടതിന് സമീപം ഊഞ്ഞാൽ കെട്ടി ആടുന്നുമുണ്ട് താരം. പിന്നാലെ നിരവധി പേരാണ് കമന്റുകളുമായി രംഗത്തെത്തിയത്. അമലയുടെ സാഹസികതയെ അഭിനന്ദിക്കുന്നതോടൊപ്പം അപകടം പിടിച്ച പ്രവൃത്തിയാണിതെന്നും ആരാധകർ പറയുന്നു.
പ്രണവ് മോഹന്‍ലാല്‍ ലൈറ്റ്, ഇതൊക്കെ നിങ്ങളെ കൊണ്ട് മാത്രമെ സാധിക്കൂ, ജംഗില്‍ ബുക്ക് തുടങ്ങിയ കമന്റുകളാണ് പോസ്റ്റിനു താഴെ നിറയുന്നത്. അമലയുടെ സുഹൃത്തുക്കളും കമന്റുമായി എത്തിയിട്ടുണ്ട്.’നീ ഇങ്ങനെ ചെയ്യുന്നതില്‍ അത്ഭുതം തോന്നുന്നില്ല’എന്നാണ് അവര്‍ പറയുന്നത്.
Post Your Comments