സന്യാസിമാര് ആന്തരികാവയവങ്ങള്‍ പുറത്ത് എടുത്ത് കഴുകി വൃത്തിയാക്കി തിരിച്ച് വയ്ക്കും എന്ന പരാമര്‍ശത്തെ പരിഹസിച്ച് നവ്യ നായര്‍ക്ക് ട്രോള്‍ പൂരം.
ഒരു ടെലിവിഷന്‍ പരിപാടിക്കിടെ ആയിരുന്നു താരത്തിന്റെ ഈ പരാമര്‍ശം. ‘ചില വലിയ സന്യാസിമാരൊക്കെ ഇന്റേണല്‍ ഓര്‍ഗന്‍സ് ഒക്കെ എടുത്ത് പുറത്തിട്ട് ക്ലീന്‍ ചെയ്യും അത്രേ.. സത്യമായിട്ടും… ഇങ്ങനെ കേട്ടിട്ടുണ്ട് ഞാന്‍. അതിന്റെ ആധികാരികതയെ കുറിച്ചും സത്യസന്ധതയെ കുറിച്ചും എനിക്ക് കൂടുതല്‍ അറിയത്തില്ല..’ എന്നാണ് നവ്യ പറഞ്ഞത്.
പരിപാടിയില്‍ മറ്റൊരു ജഡ്ജ് ആയ മുകേഷ് നവ്യയെ ട്രോളുന്നുമുണ്ട്. ‘ഉണ്ട് ഉണ്ട്.. ഞാന്‍ കണ്ടിട്ടുണ്ട്. ഞാന്‍ ഒരു ദിവസം സെക്കന്‍ഡ് ഷോ കഴിഞ്ഞ് കൊല്ലത്ത് നിന്ന് വഴിയില്‍ കൂടി ഇങ്ങനെ വന്നപ്പോ മൂന്ന് സന്യാസിമാര്.. വെളിയില്‍ കഴുകി കൊണ്ടിരിക്കുന്നു. സത്യമാ…’ എന്നാണ് മുകേഷിന്റെ കൗണ്ടര്‍.
‘കരള്‍, വൃക്ക പിന്നെ ആമാശയത്തിന്റെ അകവും പുറവും നല്ല പോലെ തേച്ച് കഴുകും, ശ്വാസകോശം സ്‌പോഞ്ച് അല്ലേ അത് കഴുകില്ല ഞെക്കി പിഴിഞ്ഞ് കറ കളയും’ എന്നാണ് ഒരു ട്രോള്‍. ‘പണ്ട് കാലത്ത് മുഷിഞ്ഞ തന്റെ ആന്തരികാവയവങ്ങള്‍ കഴുകി വൃത്തിയാക്കി ഉണക്കുന്ന മഹര്‍ഷി’ എന്നിങ്ങനെയാണ് ചില ട്രോളുകള്‍.
Post Your Comments