Jannah Theme License is not validated, Go to the theme options page to validate the license, You need a single license for each domain name.
CinemaGeneralLatest NewsNEWS

ജെയിംസ് കാമറൂണിന്റെ ‘ദി വേ ഓഫ് വാട്ടർ’: ബോക്സ് ഓഫീസ് കണക്കുകള്‍ പുറത്ത്

ജെയിംസ് കാമറൂണിന്റെ ‘ദി വേ ഓഫ് വാട്ടർ’ റിലീസ് ദിനത്തിൽ യുഎസ്, കനേഡിയൻ ബോക്സ് ഓഫീസുകളിൽ നിന്ന് 17 മില്യൺ ഡോളർ നേടിയതായി വാൾട്ട് ഡിസ്നി അറിയിച്ചു. യുഎസ് കനേഡിയന്‍ ബോക്സ് ഓഫീസുകളിൽ ആദ്യ രാത്രിയിൽ തന്നെ 28 മില്യൺ ഡോളർ വാരിക്കൂട്ടിയ ഡിസ്‌നിയുടെ സമീപകാല റിലീസായ ‘ബ്ലാക്ക് പാന്തർ: വക്കണ്ട ഫോർ’ എന്ന ചിത്രത്തിനൊപ്പം എത്താന്‍ അവതാറിന്‍റെ പുതിയ പതിപ്പിന് ആയില്ലെന്നാണ് വിവരം.

അന്താരാഷ്‌ട്ര സിനിമ വിപണിയില്‍ എക്കാലത്തെയും ഏറ്റവും വലിയ പണം വാരിപ്പടമായിരുന്ന അവതാറിന്‍റെ തുടർച്ചയായ ദി വേ ഓഫ് വാട്ടർ റിലീസ് ദിനം മുതല്‍ ലോകമെമ്പാടുമുള്ള തിയേറ്ററുകളിൽ നിന്ന് 50.4 മില്യൺ ഡോളര്‍ നേടിയെന്നാണ് വിവരം. അതേസമയം, നിര്‍മ്മാണ ചിലവ് തിരിച്ചുപിടിക്കുമോ എന്നതാണ് ഹോളിവുഡിന്റെ വലിയ ചോദ്യം.

‘ദി വേ ഓഫ് വാട്ടർ’ നിര്‍മ്മാതാക്കള്‍ക്ക് ബ്രേക്ക് ഈവണ്‍ ആകണമെങ്കില്‍ ടിക്കറ്റ് ചാര്‍ജ് വിഭജനത്തിന് ശേഷം 2 ബില്യൺ ഡോളർ എങ്കിലും തിയേറ്ററില്‍ നിന്നും ഉണ്ടാക്കേണ്ടതുണ്ടെന്നാണ് ജിക്യൂ മാഗസിൻ റിപ്പോര്‍ട്ട് ചെയ്യുന്നു. 3D സാങ്കേതിക വിദ്യയില്‍ 13 വർഷത്തോളം എടുത്താണ് ദി വേ ഓഫ് വാട്ടർ നിര്‍മ്മിച്ചിരിക്കുന്നത്.

ചിത്രത്തിന്റെ ഒന്നാം ഭാഗം ആഗോള ടിക്കറ്റ് വിൽപ്പനയിൽ 2.9 ബില്യൺ നേടിയ സിനിമ ചരിത്രത്തിലെ എക്കാലത്തെയും വലിയ ബോക്സ് ഓഫീസ് വിജയചിത്രമാണ്. 2012ലാണ് അവതാറിന് തുടർഭാഗങ്ങളുണ്ടാകുമെന്ന് ജെയിംസ് കാമറൂൺ പ്രഖ്യാപിച്ചത്. അന്നുതന്നെ ചിത്രങ്ങളുടെ റിലീസും അദ്ദേഹം പ്രഖ്യാപിച്ചിരുന്നു.

Read Also:- ‘മമ്മൂട്ടിയുടെ ‘നൻ പകൽ നേരത്ത് മയക്കം’ തിയേറ്ററിൽ വരും, അപ്പോൾ എത്ര പേര് കാണാൻ വരുമെന്നുള്ളത് നമ്മുക്ക് നോക്കാം’

രണ്ടാം ഭാഗം 2020 ഡിസംബറിലും മൂന്നാം ഭാഗം 2021 ഡിസംബർ 17നും നാലാം ഭാഗം 2024 ഡിസംബർ 20നും അഞ്ചാം ഭാഗം 2025 ഡിസംബർ 19നും റിലീസ് ചെയ്യുമെന്നായിരുന്നു പ്രഖ്യാപനം. എന്നാൽ, കൊവിഡ് പടർന്ന സാഹചര്യത്തിൽ റിലീസുകൾ പ്രഖ്യാപിച്ച സമയത്ത് നടത്താനായിരുന്നില്ല. ചിത്രത്തിന്‍റേതായി നേരത്തെ പുറത്തിറങ്ങിയ ട്രെയിലര്‍ ഏറെ ശ്രദ്ധിക്കപ്പെട്ടിരുന്നു.

shortlink

Related Articles

Post Your Comments


Back to top button