സോണി മ്യൂസിക്കുമായി കൈകോർത്ത് റോ ആക്ഷൻ ഫിലിം ‘തഗ്‌സ്’

പ്രശസ്ത ഡാൻസ് മാസ്റ്റർ ബൃന്ദ ഗോപാലിന്റെ ഏറ്റവും പുതിയ ചിത്രമായ ‘തഗ്‌സ്’ ഹിന്ദി ഉൾപ്പെടെ ബഹുഭാഷാ റിലീസിനായി ശ്രമിക്കുന്നു. RRR, വിക്രം, DON, VTK തുടങ്ങിയ ചിത്രങ്ങൾ അടുത്തിടെ വിതരണം ചെയ്യുകയും ‘മുംബൈകർ’ എന്ന ഹിന്ദി ചിത്രം നിർമ്മിക്കുകയും ചെയ്ത HR പിക്ചേഴ്സിന്റെ ബാനറിൽ റിയ ഷിബു ആണ് റോ ആക്ഷൻ ചിത്രം നിർമ്മിച്ചിരിക്കുന്നത്. ബോബി സിംഹ, ആർ കെ സുരേഷ്, മുനീഷ് കാന്ത്, ശരത് അപ്പാനി, അനശ്വര രാജൻ തുടങ്ങിയവരാണ് പ്രധാന അഭിനേതാക്കൾ. യുവതാരം ഹൃദു ഹാറൂൺ ഈ സംഘത്തിലെ പ്രധാനികളിലൊരാളായി അരങ്ങേറ്റം കുറിക്കുന്നു.

read also: സോഷ്യൽ മീഡിയയിൽ ശ്രദ്ധനേടി ‘സുന്ദരകേരളം’

തമിഴ്, തെലുങ്ക്, ഹിന്ദി, കന്നഡ തുടങ്ങിയ എല്ലാ ഭാഷകളിലും ഒരുങ്ങുന്ന ചിത്രത്തിന്റെ സംഗീത പങ്കാളി സോണി മ്യൂസിക്കാണ്.  അടുത്തിടെ പുറത്തിറങ്ങിയ തഗ്‌സിലെ കഥാപാത്രങ്ങളെ പരിചയപ്പെടുത്തുന്ന വീഡിയോയ്ക്ക് പ്രേക്ഷകരിൽ നിന്ന് മികച്ച സ്വീകരണമാണ് ലഭിച്ചത്.