ഒമർ ലുലുവിന്റെ ഏറ്റവും പുതിയ ചിത്രമായ ‘നല്ല സമയം’ ഫസ്റ്റ് ലുക്ക് പോസ്റ്റർ പുറത്തിറങ്ങി. നവംബറിൽ റിലീസിനെത്തുന്ന ചിത്രം നിർമ്മിച്ചിരിക്കുന്നത് നവാഗതനായ കലന്തൂറാണ്. നായകനായ ഇർഷാദിനും വിജീഷിനും(നൂലുണ്ട) കൂടെ അഞ്ച് പുതുമുഖ നായികമാരും പോസ്റ്ററിൽ എത്തുന്നുണ്ട്. പോസ്റ്റർ ടാഗ് ലൈനിൽ പറഞ്ഞ പോലെ ഒരു കമ്പ്ലീറ്റ് ഫൺ സ്റ്റോണർ തന്നെയായിരിക്കും നല്ല സമയം എന്ന് കളർഫുൾ ആയ ഡിസൈനിൽ ഒരുക്കിയ ഫസ്റ്റ് ലുക്ക് ഉറപ്പ് തരുന്നുണ്ട്.
ഒമർ ലുലു തന്റെ അഞ്ചാമത്തെ സംവിധാന സംരംഭത്തിലൂടെ മലയാളികൾ ഇന്നേ വരെ കാണാത്ത തരത്തിലുള്ള ഒരു പക്കാ സ്റ്റോണർ കോമഡി തന്നെ ആയിരിക്കും നമുക്ക് വേണ്ടി ഒരുക്കിയിരിക്കുന്നത് എന്ന് ഉറപ്പാണ്. പലരും പറയാൻ മടിക്കുന്ന കാര്യങ്ങൾ തന്റെ സിനിമകളിലൂടെ എന്നും പറയാറുള്ള ഒമർ ലുലുവിൽ നിന്ന് മലയാള സിനിമ ഒട്ടും എക്സ്പ്ലോർ ചെയ്യാത്ത ഈ ജോണറിൽ ഒരു ട്രെൻഡ് സെറ്റിങ് സിനിമ തന്നെ പ്രതീക്ഷിക്കാം.
ഇർഷാദ്, വിജീഷ് എന്നിവരെ കൂടാതെ നീന മധു, ഗായത്രി ശങ്കർ, നോറ ജോൺസൺ, നന്ദന സഹദേവൻ, സുവൈബത്തുൽ ആസ്ലമിയ്യ എന്നീ പുതുമുഖങ്ങളാണ് നായിക വേഷങ്ങളിൽ എത്തുന്നത്. ശാലു റഹീം, ശിവജി ഗുരുവായൂർ, ജയരാജ് വാര്യർ അടക്കമുള്ള താരങ്ങൾ സപ്പോർട്ടിങ് വേഷങ്ങളിലെത്തുന്നു.
Read Also:- റിലീസ് തീരുമാനിച്ച് ഷെയിന്‍ നിഗം-വിനയ് ഫോര്‍ട്ട് ചിത്രം ‘ബര്‍മുഡ’
നവാഗതനായ കളന്തൂർ നിർമ്മിക്കുന്ന നല്ല സമയത്തിന് ക്യാമറ കൈകാര്യം ചെയ്തിരിക്കുന്നത് സിനു സിദ്ധാർത്ഥാണ്. ഒമർ ലുലുവും നവാഗതയായ ചിത്രയും ചേർന്നാണ് നല്ല സമയത്തിന്റെ തിരക്കഥയും സംഗീതവും ചെയ്തിരിക്കുന്നത്. ഇറങ്ങിയ പോസ്റ്റർ വച്ചാണേൽ മലയാളത്തിലെ ആദ്യത്തെ കംപ്ലീറ്റ് സ്റ്റോണർ കോമഡി നമുക്ക് നവംബറിൽ തിയേറ്ററിൽ കാണാം.
പി ആർ ഓ പ്രതീഷ് ശേഖർ.
Post Your Comments