ഇത് പടവെട്ടി നേടിയ വിജയം: മികച്ച കളക്ഷനുമായി നിവിൻ പോളി ചിത്രം കുതിക്കുന്നു

നിവിൻ പോളി നായകനാകുന്ന പുതിയ ചിത്രം ‘പടവെട്ട്’ കഴിഞ്ഞ ദിവസമാണ് തിയേറ്ററിൽ എത്തിയത്. സ്വന്തം ഗ്രാമത്തിലെ സാധാരണക്കാരുടെ പ്രശ്നങ്ങളിൽ ഇടപെടുകയും പിന്നീട് അവരുടെ പോരാട്ടത്തിൻറെ മുന്നണി പോരാളിയായി മാറുകയും ചെയ്യുന്ന ഒരു നാട്ടിൻപുറത്തുകാരൻ യുവാവിൻറെ വേഷത്തിലാണ് നിവിൻ പോളി ചിത്രത്തിലെത്തുന്നത്. സിനിമ മികച്ച പ്രേക്ഷക സ്വീകാര്യതയാണ് നേടുന്നതെന്ന റിപ്പോർട്ടുകളാണ് നിലവിൽ പുറത്ത് വരുന്നത്.

നിവിൻ പോളിയുടെ പ്രകടനവും ഷമ്മി തിലകന്റെ വില്ലൻ കഥാപാത്രവുമാണ് ഏറെ ശ്രദ്ധേയമാകുന്നത്. ആദ്യ രണ്ട് ദിവസങ്ങളേക്കാൾ ചിത്രം ബുക്കിങ്ങിൽ വർദ്ധനവ് നേടുന്നുണ്ട്. മിക്ക കേന്ദ്രങ്ങളിലും സിനിമ ഹൗസ്ഫുൾ ആയാണ് പ്രദർശിപ്പിക്കുന്നത്. ഒടിടി നെറ്റ്ഫ്ലിക്ക്സും സാറ്റലൈറ്റ് സൂര്യ ടിവിയും നേരത്തെ സ്വന്തമാക്കിയിരുന്നു. ഓവർസീസ് അവകാശവും വലിയ തുകക്കാണ് വിറ്റു പോയത്. 12 കോടി ബജറ്റിൽ ഒരുങ്ങിയ ചിത്രത്തിന് 20 കോടിക്ക് മുകളിലാണ് പ്രീ റിലീസ് ബിസിനസ് ലഭിച്ചത്.

Also Read: സുഹൃത്തുക്കളെ അവരിതാ ഒന്നിക്കുകയാണ്: ലിജോ – മോഹൻലാൽ ചിത്രം ഒഫിഷ്യല്‍ അനൗൺസ്മെന്റ് എത്തി

ഷമ്മി തിലകൻ, ഷൈൻ ടോം ചാക്കോ, അദിതി ബാലൻ, ഇന്ദ്രൻസ് തുടങ്ങിയ വലിയൊരു താരനിര തന്നെ ചിത്രത്തിൽ അഭിനയിക്കുന്നുണ്ട്. നവാഗതനായ ലിജു കൃഷ്ണയാണ് സിനിമ തിരക്കഥ എഴുതി സംവിധാനം ചെയ്തത്. വിക്രം മെഹ്ര, സിദ്ധാർത്ഥ് ആനന്ദ് കുമാർ, സണ്ണി വെയ്ൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.