നടനും ഗായകനുമായ വിജയ് ആന്റണി തെന്നിന്ത്യന്‍ സിനിമയിൽ ആരാധകർ ഏറെയുള്ള താരമാണ്. കഴിഞ്ഞ ദിവസം ട്വിറ്ററിലൂടെ വിജയ് പങ്കുവെച്ചൊരു കുറിപ്പാണ് ഇപ്പോൾ ആരാധകർക്കിടയിൽ ചർച്ചയാകുന്നത്.
read also: അഹാന കൃഷ്ണനും ഷൈൻ ടോം ചാക്കോയും പ്രധാന വേഷങ്ങളിലെത്തുന്ന ‘അടി’: ഫസ്റ്റ് ലുക്ക് പോസ്റ്റർ പുറത്ത്
‘നിങ്ങളുടെ കുടുംബത്തില്‍ എന്തെങ്കിലും പ്രശ്‌നമുണ്ടെങ്കില്‍ അത് നിങ്ങള്‍ക്കുള്ളില്‍ തന്നെ പരിഹരിക്കാന്‍ ശ്രമിക്കുക. അതല്ലെങ്കില്‍ സ്വന്തം വഴിയ്ക്ക് പോവുക. പരമാവധി മറ്റൊരാളുടെ കാലില്‍ വീണിട്ടാണെങ്കിലും പരസ്പരം പ്രശ്‌നം ഒത്തുതീര്‍പ്പാക്കാന്‍ ശ്രമിക്കണം. പക്ഷേ മൂന്നാമതൊരാളെ നിങ്ങളുടെ ജീവിതത്തിലേക്ക് കടത്തി വിടാന്‍ ശ്രമിക്കരുത്. ആദ്യമവര്‍ നമ്മളെ സന്തോഷിപ്പിക്കുകയും പിന്നീട് എല്ലാം അവസാനിപ്പിച്ച്‌ തരികയും ചെയ്‌തേക്കും’, എന്നാണ് വിജയ് ആന്റണി പങ്കുവെച്ച കുറിപ്പിൽ പറയുന്നത്.
ഇത് വിജയുടെ ജീവിതത്തിൽ എന്തെങ്കിലും സംഭവിച്ചത് കാരണം നടൻ പങ്കുവച്ചതാണോ എന്ന സംശയത്തിലാണ് ആരാധകർ. താരത്തിന്റെ വാക്കുകളില്‍ സൂചിപ്പിക്കുന്നത് കുടുംബത്തില്‍ കാര്യമായ എന്തോ പ്രശ്‌നം നടന്നതായിട്ടാണ് എന്ന് ചിലർ പറയുന്നു. തമിഴ് സിനിമ നിര്‍മാതാവ് കൂടിയായ ഫാത്തിമയാണ് വിജയ് ആന്റണിയുടെ ഭര്യ. ഇവരുമായി എന്തെങ്കിലും പ്രശ്‌നമുണ്ടായോ എന്ന് ചോദിക്കുന്നവരുമുണ്ട്.
നവീന്‍ സംവിധാനം ചെയ്യുന്ന, അക്ഷര ഹാസനും വിജയിയും പ്രധാന കഥാപാത്രങ്ങളെ അവതരിപ്പിക്കുന്ന അഗ്നി സിരഗുകള്‍ എന്ന ആക്ഷന്‍ ത്രില്ലർ, ബാലാജി കുമാറിന്റെ കോലൈ, അമുതന്റെ രത്തം, പിച്ചക്കാരന്‍ 2 എന്നിങ്ങനെ നിരവധി സിനിമകളാണ് വിജയ് ആന്റണിയുടേതായി റിലീസിനൊരുങ്ങുന്നത്.
Post Your Comments