‘ഓം റൗട്ട് നീ തീർന്നു’ ആദിപുരുഷിന്റെ ടീസറിന് പിന്നാലെ പ്രഭാസിന്റെ പുതിയ വീഡിയോ വൈറലാകുന്നു

ഓം റൗട്ട് സംവിധാനം ചെയ്യുന്ന ആദിപുരുഷിന്റെ ടീസറിനെ ട്രോളി സോഷ്യൽ മീഡിയ എത്തിയതിന് പിന്നാലെ ഇപ്പോൾ പ്രഭാസിന്റെ മറ്റൊരു വീഡിയോ കൂടി വൈറലാകുന്നു. സിനിമയുടെ ടീസർ റിലീസിന് പിന്നാലെ സംവിധായകൻ ഓം റൗട്ടിനെ തന്റെ മുറിയിലേക്ക് വിളിക്കുന്ന പ്രഭാസിന്റെ വീഡിയോയാണ് സമൂഹ മാധ്യമങ്ങൾ വൈറലാകുന്നത്.

കഴിഞ്ഞ ദിവസം പുറത്തുവിട്ട ആദിപുരുഷിന്റെ ടീസർ ട്രോളുകൾ കൊണ്ട് നിറഞ്ഞെങ്കിലും യൂട്യൂബിൽ ട്രെൻഡിങ്ങിലാണ്. ഏഴര കോടിയിലധികം പ്രേക്ഷകരാണ് ഇതുവരെ ടീസർ കണ്ടുകഴിഞ്ഞിരിക്കുന്നത്. ‘പ്രഭാസിന്റെ ടീസർ റിയാക്ഷൻ’, ‘പ്രഭാസ് കലിപ്പാണെന്ന് തോന്നുന്നു’, ‘പ്രാഞ്ചിയേട്ടനിൽ മമ്മൂട്ടി ഇന്നസെന്റിനെ വിളിച്ചു മുറിയിൽ കേറ്റുന്ന സീൻ ഓർമ്മവന്നു’, എന്നിങ്ങനെയാണ് പുതിയ വീഡിയോയ്ക്ക് വരുന്ന കമന്റുകൾ.

ടീസറിന് ട്രോളുകൾ കൂടിയതോടെ പ്രമുഖ വിഎഫ്എക്സ് കമ്പിനിയായ എൻവൈ വിഎഫ്എക്സ് വാല രംഗത്തെത്തിയിരുന്നു. സിനിമയുടെ വിഎഫ്എക്സ് ചെയ്തത് തങ്ങളല്ല എന്നും ടീസറിന് പിന്നാലെ നിരവധി മീഡിയകൾ തങ്ങളോട് ചോദിച്ചതുകൊണ്ടാണ് ഇങ്ങനെയൊരു വ്യക്തത വരുത്തുന്നത് എന്നും അറിയിച്ചുകൊണ്ട് കുറിപ്പ് പുറത്തിറക്കി.

Read Also:- നദികളിൽ സുന്ദരി യമുന ഒക്ടോബർ എട്ടിന് ആരംഭിക്കുന്നു

രാമായണ കഥയെ അടിസ്ഥാനമാക്കി ഓം റാവത്ത് സംവിധാനം ചെയ്യുന്ന ‘ആദിപുരുഷ്’ 2023ലെ വമ്പൻ റിലീസുകളിൽ ഒന്നാണ്. 2023 ജനുവരി 12ന് ചിത്രം പ്രദർശനത്തിനെത്തും. ഹിന്ദിക്കും തെലുങ്കിനും പുറമെ ചിത്രം തമിഴിലും മലയാളത്തിലും കന്നഡയിലും മൊഴിമാറ്റിയും പ്രദർശനത്തിനെത്തും. ഐമാക്സ് 3ഡി ഫോര്‍മാറ്റിലും ചിത്രം പ്രദർശനത്തിനെത്തിക്കുന്നുണ്ട്.