ദീപു അന്തിക്കാട് സംവിധാനം ചെയ്യുന്ന നാലാം മുറ എന്ന ചിത്രത്തിലെ ആദ്യ ലിറിക്കൽ വീഡിയോ ഗാനം പറത്തിറങ്ങി. ‘കൊളുന്തു നുള്ളിനുള്ളി കൊളുക്കുമലയിലെ പെണ്ണ്’ എന്നു തുടങ്ങുന്ന ഗാനമാണ് പുറത്തിറങ്ങിയത്. നാടൻ പാട്ടിൻ്റെ ചുവടുപിടിച്ച് അവതരിപ്പിക്കുന്ന ഈ ഗാനരംഗം ഇതിനകം ഏറെ പോപ്പുലറായിരിക്കുകയാണ്. ഗുരു സോമസുന്ദരവും സുരഭി സന്തോഷുമാണ് ഈ ഗാനരംഗത്തിലെ അഭിനേതാക്കൾ. തേയിലത്തോട്ടത്തിൻ്റെ പശ്ചാത്തലത്തിലൂടെയാണ് ഈ ഗാനരംഗത്തിൻ്റെ അവതരണം. മനോഹരമായ ദൃശ്വാനുഭവവും കൗതുകകരമായ അവതരണവും പ്രേഷകനെ നമ്മുടെ നാട്ടുമ്പുറങ്ങളിലെ ഓർമ്മകളിലേക്കു നയിക്കപ്പെടാൻ വഴിയൊരുക്കുന്നതാണ്.
ബിജു മേനോൻ, അലൻസിയർ, പ്രശാന്ത് അലക്സാണ്ടർ, ശ്യാം ജേക്കബ് എന്നിവരും ഈ ഗാനരംഗത്തിൽ പ്രത്യക്ഷപ്പെടുന്നുണ്ട്. ശ്രീജിത്ത് ഉണ്ണികൃഷ്ണൻ്റെ വരികൾക്ക് കൈലാസിൻ്റ സംഗീതവും കോർത്തിണക്കിയതാണ് ഈ ഗാനം എത്തുന്നത്. പൂർണ്ണമായും ഇൻവസ്റ്റിഗേറ്റീവ് ത്രില്ലർ സിനിമയാണ് നാലാം മുറ. ഇങ്ങനെയൊരു ചിത്രത്തിൽ ഇത്തരമൊരു ഗാനരംഗത്തിൻ്റെ പ്രസക്തി എന്താണെന്നുള്ള ചോദ്യം ഉയരാം. അതിന് ഈ ചിത്രം തന്നെ ഉത്തരം നൽകും.
കുറ്റാന്വേഷണ ചിത്രങ്ങൾ പല രീതിയിലും അവതരിപ്പിക്കാം. നാലാം മുറ തികച്ചും വ്യത്യസ്തമായ ഒരു കുറ്റാന്വേഷണ ശൈലി സ്വീകരിച്ച ചിത്രമാണ്. ബിജു മേനോനും ഗുരു സോമസുന്ദരവുമാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ശാന്തി പ്രിയ ( ദൃശ്യം2 ഫെയിം), ഷീലു ഏബ്രഹാം, സിജോയ് വർഗീസ്, ഋഷി സുരേഷ്, ശിവരാജ്, വൈശാഖ് ( തണ്ണീർമത്തൻ ദിനങ്ങൾ ഫെയിം) എന്നിവരും ഈ ചിത്രത്തിലെ പ്രധാന താരങ്ങളാണ്. ക്രൈംബ്രാഞ്ച് ഉദ്യോഗസ്ഥനായ സൂരജ് വി ദേവിൻ്റേതാണ് തിരക്കഥ. യുഎഫ്ഐ മോഷൻ പിക്ച്ചേർസിനു വേണ്ടി കിഷോർ വാര്യത്ത്, ലക്ഷ്മി നാഥ് ക്രിയേഷൻസിനു വേണ്ടി സുധീഷ് പിള്ള, സെലിബ്രാൻ്റ്സിനു വേണ്ടി ഷിബു അന്തിക്കാട് എന്നിവർ നിർമ്മിക്കുന്ന ഈ ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു.
പശ്ചാത്തല സംഗീതം – ഗോപി സുന്ദർ, ഛായാഗ്രഹണം – ലോകനാഥൻ, എഡിറ്റിംഗ് – ഷമീർ മുഹമ്മദ്, കലാസംവിധാനം – അനീസ് നാടോടി, മേക്കപ്പ് – റോണക്സ് സേവ്യർ, കോസ്റ്റ്യൂം ഡിസൈൻ – നയന ശ്രീകാന്ത്, ചീഫ് അസ്സോസ്സിയേറ്റ് ഡയറക്ടർ – നിധിൻ മൈക്കിൾ, അസ്സോസ്സിയേറ്റ് ഡയറക്ടേർസ് – അമൃതാ ശിവദാസ്, അഭിലാഷ് എസ് പാറേൽ, പ്രൊഡക്ഷൻ എക്സിക്യൂട്ടീവ് – ഷെമീജ് കൊയിലാണ്ടി, പ്രൊഡക്ഷൻ കൺട്രോളർ – ജാവേദ് ചെമ്പ്, എക്സിക്യൂട്ടീവ് പ്രൊഡ്യൂസർ – ഷാബു അന്തിക്കാട്, പിആർഒ – വാഴൂർ ജോസ്.
Post Your Comments