ചെന്നൈ: തെന്നിന്ത്യൻ താരം നയന്‍താരയുടെയും സംവിധായകന്‍ വിഘ്നേഷ് ശിവന്റെയും വിവാഹ ഡോക്യുമെന്ററിയുടെ ടീസര്‍ നെറ്റ്ഫ്ളിക്സ് പുറത്തുവിട്ടു. ‘നയന്‍താര: ബിയോണ്ട് ദി ഫെയറി ടെയില്‍’ എന്ന പേരിൽ നെറ്റ്ഫ്ളിക്സ് ഇന്ത്യയുടെ സോഷ്യല്‍ മീഡിയ പേജുകളിലൂടെയാണ് ഡോക്യുമെന്ററി വീഡിയോ പുറത്തിറക്കിയത്.
ടീസറിൽ, ‘എന്തുകൊണ്ട് നായന്‍താര?’ എന്ന് വിഘ്നേഷ് ശിവനോടുള്ള സംവിധായകൻ ഗൗതം മേനോന്റെ ചോദ്യത്തിന്, ആഞ്ജലീന ജോളി പ്രണയാഭ്യർത്ഥന നടത്തിയെന്നും തെന്നിന്ത്യയില്‍ നിന്നല്ലാത്തത് കൊണ്ട് വേണ്ടെന്ന് വച്ചു എന്നും തമാശ രൂപേണ വിഘ്നേഷ് ശിവന്‍ മറുപടി നൽകുന്നു. അതേസമയം, താനൊരു സാധാരണ വ്യക്തിയാണെന്നും ചെയ്യുന്ന പ്രവര്‍ത്തികളില്‍ നൂറുശതമാനം ആത്മാർത്ഥത പുലര്‍ത്തണമെന്നാണ് ആഗ്രഹമെന്നും നയന്‍താര ടീസറിൽ പറയുന്നത്.
ദുല്‍ഖറിന്റെ ‘ഛുപ്: റിവെഞ്ച് ഓഫ് ദ് ആര്‍ട്ടിസ്റ്റ്’ ഏറ്റെടുത്ത് ആരാധകർ: ആദ്യ ദിന കളക്ഷൻ റിപ്പോർട്ട് പുറത്ത്
നെറ്റ്ഫ്ലിക്സ് ഡോക്യുമെന്ററി ഒരുക്കിയിരിക്കുന്നത് സംവിധായകൻ ഗൗതം മേനോനാണ്. അതേസമയം, നയന്‍താരയുടെയും വിഘ്നേഷ് ശിവന്റെയും വിവാഹം സ്ട്രീം ചെയ്യുന്നതില്‍ നിന്നും നെറ്റ്ഫ്ലിക്സ് പിന്മാറി എന്ന് നേരത്തെ വാര്‍ത്തകള്‍ ഉയർന്നിരുന്നു. എന്നാൽ, നെറ്റ്ഫ്ലിക്സ് അത് നിഷേധിച്ചു രംഗത്ത് വരികയായിരുന്നു.
Post Your Comments