ശകുന്തളയായി സാമന്ത: ‘ശാകുന്തളം’ റിലീസ് പ്രഖ്യാപിച്ചു

ഇതിഹാസ പ്രണയ കഥയായ ശാകുന്തളം വീണ്ടും സിനിമയാകുന്നു. ശകുന്തള’യാകുന്നത് തെന്നിന്ത്യയുടെ പ്രിയ നായിക സാമന്തയാണ്. ‘ദുഷ്യന്തനാ’കട്ടെ മലയാളത്തിന്റെ യുവ താരം ദേവ് മേനും. തെന്നിന്ത്യയിലെ പല നടന്മാരുടെ പേരും പ്രഖ്യാപിച്ചെങ്കിലും ഒടുവിൽ നറുക്ക് വീണത് ദേവ് മോഹനനായിരുന്നു. ഇപ്പോഴിതാ, ശാകുന്തളത്തിന്റെ റിലീസ് പ്രഖ്യാപിച്ചു. ചിത്രത്തിന്റെ മോഷൻ പോസ്റ്ററിലൂടെയാണ് റിലീസ് പ്രഖ്യാപിച്ചത്.

നവംബര്‍ നാലിന് ചിത്രം പ്രദർശനത്തിനെത്തും. മലയാളം, കന്നഡ, ഹിന്ദി, തമിഴ്, തെലുങ്ക് ഉൾപ്പടെ അഞ്ച് ഭാഷകളില്‍ ഒരുങ്ങുന്ന ‘ശാകുന്തളം’ ഗുണശേഖറാണ് സംവിധാനം ചെയ്യുന്നത്. ‘ശകുന്തള’യുടെ വീക്ഷണകോണില്‍ നിന്നുള്ളതായിരിക്കും ചിത്രം. ചിത്രത്തിൽ മധുബാല, മോഹൻ ബാബു, സച്ചിൻ ഖേദ്ക്കർ, ഗൗതമി, അദിതി ബാലൻ, അനന്യ നാഗല്ല, കബീർ ബേദി, അല്ലു അർഹ എന്നിവർ അഭിനയിക്കുന്നു.

Read Also:- നിഖിൽ സിദ്ധാർഥിന്റെ ‘കാർത്തികേയ 2’: ഇന്നു മുതൽ കേരളത്തിൽ

മികച്ച കോസ്റ്റ്യൂം ഡിസൈനര്‍ക്കുള്ള ദേശീയ പുരസ്‍കാരം രണ്ടു തവണ നേടിയ നീതു ലുല്ലയാണ് ‘ശകുന്തള’യായി അഭിനയിക്കുന്ന സാമന്തയെ ഒരുക്കുന്നത്. നേരത്തെ, സാമന്തയ്‌ക്കൊപ്പമുള്ള തന്റെ ഫോട്ടോ ദേവ് മോഹൻ സോഷ്യൽ മീഡിയയിൽ പങ്കുവെച്ചിരുന്നു. സംഗീതം മണി ശർമ്മ, ഛായാഗ്രഹണം ശേഖർ വി ജോസഫ്, കല അശോക്, പി ആർ ഓ ശബരി.