സിൻസിൽ സെല്ലുലോയ്ഡിന്റെ ബാനറിൽ എസ് ജോർജ് നിർമ്മിക്കുന്ന ‘വേല’യിലെ സണ്ണി വെയ്‌ന്റെ ക്യാരക്ടർ പോസ്റ്റർ റിലീസ് ചെയ്തു. വേറിട്ട ഗെറ്റപ്പിൽ ആണ് പോലീസ് ഓഫീസറായി സണ്ണി ഈ ചിത്രത്തിൽ എത്തുന്നത്. നവാഗതനായ ശ്യാം ശശിയാണ് ‘വേല’ സംവിധാനം ചെയ്യുന്നത്. എം സജാസിന്റേതാണ് തിരക്കഥ. പ്രധാന വേഷങ്ങളിൽ ഷെയിൻ നിഗവും സണ്ണി വെയ്‌നും എത്തുന്ന ചിത്രത്തിലെ മറ്റു പ്രധാന വേഷങ്ങളിൽ സിദ്ധാർഥ് ഭരതനും അഥിതി ബാലനുമാണ് അഭിനയിക്കുന്നത്. ബാദുഷാ പ്രൊഡക്ഷൻസ് ആണ് ചിത്രത്തിന്റെ കോ പ്രൊഡ്യൂസേർസ്.
പാലക്കാടുള്ള ഒരു പോലീസ് കൺട്രോൾ റൂമിന്റെ പശ്ചാത്തലത്തിൽ നടക്കുന്ന കഥയാണ് ചിത്രം പറയുന്നത്. ‘വിക്രം വേദ’, ‘കൈദി’ സിനിമകളുടെ സംഗീത സംവിധായകൻ ആയിരുന്ന സാം സി എസ്സ് ആണ് ചിത്രത്തിന്റെ സംഗീത സംവിധായകൻ. ക്രൈം ഡ്രാമാ ഗണത്തിൽപ്പെടുത്താവുന്ന ചിത്രത്തിൽ ശക്തമായ പോലീസ് കഥാപാത്രങ്ങളെയാണ് സണ്ണി വെയ്‌നും ഷെയിൻ നിഗവും അവതരിപ്പിക്കുന്നത്.
Also Read: കളർഫുൾ ഡാൻസ് വീഡിയോയുമായി താരങ്ങൾ: വൈറലായി ‘ജിഗർ പാർട്ടി’ മ്യൂസിക് വീഡിയോ
ചിത്രസംയോജനം – മഹേഷ്‌ ഭുവനേന്ദ്, ഛായാഗ്രഹണം – സുരേഷ് രാജൻ, കോ പ്രൊഡ്യൂസർ – ബാദുഷാ പ്രൊഡക്ഷൻസ്, എക്സിക്യൂട്ടീവ് പ്രൊഡ്യൂസർ – സുനിൽ സിംഗ്, പ്രൊഡക്ഷൻ കൺട്രോളർ – പ്രശാന്ത് നാരായണൻ, പ്രൊജക്റ്റ് ഡിസൈനർ – ലിബർ ഡേഡ് ഫിലിംസ്, കലാസംവിധാനം – ബിനോയ്‌ തലക്കുളത്തൂർ, വസ്ത്രലങ്കാരം – ധന്യ ബാലകൃഷ്‍ണൻ, കൊറിയോഗ്രാഫി – കുമാർ ശാന്തി, ഫിനാൻസ് കൺട്രോളർ – അഗ്നിവേശ്, പ്രൊഡക്ഷൻ എക്സിക്യൂട്ടീവ് – എബി ബെന്നി, ഔസേപ്പച്ചൻ, പ്രൊഡക്ഷൻ മാനേജർ – മൻസൂർ, ചീഫ് അസോസിയേറ്റ് ഡയറക്ടർ – പ്രശാന്ത് ഈഴവൻ, അസോസിയേറ്റ് ഡയറക്‌റ്റേർസ് – തൻവിൻ നസീർ, ഷൈൻ കൃഷ്‍ണ, മേക്കപ്പ് – അമൽ ചന്ദ്രൻ, സംഘട്ടനം – പി സി സ്റ്റണ്ട്‍സ്, ഡിസൈൻസ് – ടൂണി ജോൺ, സ്റ്റിൽസ് – ഷുഹൈബ് എസ് ബി കെ, പബ്ലിസിറ്റി – ഓൾഡ് മംഗ്‌സ്, പിആർഒ – പ്രതീഷ് ശേഖർ.
Post Your Comments