നടിയോട് ലൈംഗികാഭ്യർത്ഥന നടത്തുകയും കൈയില്‍ കയറി പിടിക്കുകയും ചെയ്ത സംഭവത്തില്‍ ബോളിവുഡ് നടനും സിനിമാ നിരൂപകനുമായ കമാല്‍ ആര്‍ ഖാന്‍ അറസ്റ്റിൽ. മുംബൈ വെര്‍സോവ പോലീസാണ് കമാല്‍ ആര്‍ ഖാനെ അറസ്റ്റ് ചെയ്തത്. 2019ലാണ് കേസിന് ആസ്പദമായ സംഭവം. 2021ലാണ് നടനെതിരെ പരാതി നല്‍കുന്നതും കേസ് രജിസ്റ്റര്‍ ചെയ്തതും.
യുവനടിയും മോഡലും ഫിറ്റ്നസ് പരിശീലകയുമായ യുവതിയാണ് പരാതിക്കാരി. കൂടാതെ, സോഷ്യല്‍ മീഡിയയിലൂടെ അപകീര്‍ത്തികരമായ പരാമര്‍ശങ്ങള്‍ നടത്തിയ മറ്റൊരു കേസില്‍ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടിരിക്കുകയാണ്. അന്തരിച്ച നടന്‍മാരായ ഋഷി കപൂര്‍, ഇര്‍ഫാന്‍ ഖാന്‍ എന്നിവര്‍ക്കെതിരേ അപകീര്‍ത്തികരമായ പരാമര്‍ശം നടത്തിയതിനാണ് ഈ കേസ്.
Read Also:- ആ ചിത്രം കണ്ടതിനുശേഷം മകള്‍ക്ക് നടി അഹാനയോട് ദേഷ്യമാണ്: ടൊവിനോ തോമസ്
യുവസേന അംഗം രാഹുല്‍ കനാലിന്റെ പരാതിയെ തുടര്‍ന്നാണ് അറസ്റ്റ്. അപകീര്‍ത്തിപരമായ പരാമര്‍ശങ്ങള്‍ നടത്തുകയും മോശം ഭാഷ ഉപയോഗിച്ചു എന്നുമായിരുന്നു ആരോപണം. ദുബായില്‍ നിന്നും മുംബൈയിലെത്തിയ കമാല്‍ ആര്‍ ഖാനെ വിമാനത്താവളത്തില്‍ തടഞ്ഞ് ചോദ്യം ചെയ്യലിന് ശേഷം അറസ്റ്റ് ചെയ്യുകയായിരുന്നു.
Post Your Comments