തെലുങ്കിൽ അരങ്ങേറ്റം കുറിക്കാൻ റോഷൻ മാത്യു: മഹേഷ് ബാബുവിനൊപ്പം പുതിയ ചിത്രത്തിൽ അഭിനയിക്കും

മലയാള സിനിമയിലൂടെ ചലച്ചിത്ര ലോകത്തെത്തിയ റോഷൻ മാത്യു ഇന്ന് ബോളിവുഡിലും കോളിവുഡിലും തിളങ്ങുകയാണ്. വിക്രമിന്റെ കോബ്രയാണ് റോഷന്റേതായി റിലീസ് ചെയ്ത തമിഴ് ചിത്രം. ആലിയ ബട്ടിന്റെ ഡാർലിം​ഗ്സിലും റേഷൻ ശ്രദ്ധേയമായ വേഷം ചെയ്തിരുന്നു.

ഇപ്പോളിതാ, താരം തെലുങ്കിൽ അരങ്ങേറ്റം കുറിക്കാൻ ഒരുങ്ങുന്നു എന്ന വാർത്തയാണ് പുറത്ത് വരുന്നത്. മഹേഷ് ബാബുവിനെ നായകനാക്കി ത്രിവിക്രം ശ്രീനിവാസ് ഒരുക്കുന്ന പുതിയ ചിത്രത്തിൽ റോഷനും ഉണ്ടെന്നാണ് വിവരം. ‘എസ് എസ് എം ബി 28’ എന്നാണ് ചിത്രത്തിന് താൽകാലികമായി നൽകിയ പേര്.

Also Read: ‘ഇതെന്‍റെ മണ്ണാണ്, ഞാനിവിടെ കിടക്കും വേണ്ടി വന്നാൽ കിളയ്ക്കും’: പടവെട്ട് ടീസർ എത്തി

സിനിമയുടെ ചിത്രീകരണം സെപ്റ്റംബർ എട്ടിന് ആരംഭിക്കും. മഹേഷ് ബാബുവും ത്രിവിക്രവും ഇത് മൂന്നാം തവണയാണ് ഒന്നിക്കുന്നത്. സൂര്യദേവര രാധാകൃഷ്ണനാണ് സിനിമ നിർമ്മിക്കുന്നത്. ചിത്രത്തിൽ പൂജ ഹെഗ്‌ഡെയാണ് നായികയായെത്തുന്നത്. എസ് തമൻ ആണ് സംഗീത സംവിധാനം നിർവ്വഹിക്കുന്നത്. ചിത്രം 2023 ഏപ്രിൽ 28 ന് തിയേറ്ററുകളിലെത്തും.