വിജയ് ദേവരകൊണ്ടയെ നായകനാക്കി പുരി ജഗന്നാഥ് ഒരുക്കിയ ചിത്രമാണ് ലൈഗർ. മിക്സഡ് മാർഷ്യൽ ആർട്സ് താരമായാണ് വിജയ് ദേവരകൊണ്ട സിനിമയിൽ വേഷമിടുന്നത്. മുംബൈയിലെ തെരുവുകളിൽ ജനിച്ചു വളർന്ന് ഒടുവിൽ ലോക മികസഡ് മാർഷൽ ആർട്സ് കിക്ക്‌ ബോക്സിംഗ് ചാമ്പ്യനായി മാറുന്ന ഒരു യുവാവിന്റെ കഥയാണ് ചിത്രം പറയുന്നത്. ബോളിവുഡ് നടി അനന്യ പാണ്ഡേയാണ് സിനിമയിലെ നായികയായെത്തിയത്. അതിഥി താരമായി ബോക്സിംഗ് ഇതിഹാസം മൈക്ക് ടൈസണും ചിത്രത്തിൽ എത്തുന്നുണ്ട്.
ഇപ്പോളിതാ, സിനിമയിൽ അഭിനയിക്കുന്നതിനായി മൈക്ക് ടൈസൺ വാങ്ങിയ പ്രതിഫലത്തിന്റെ കണക്കുകളാണ് പുറത്ത് വരുന്നത്. 25 കോടി രൂപയാണ് മൈക്ക് ടൈസൺ പ്രതിഫലം വാങ്ങിച്ചത് എന്നാണ് റിപ്പോർട്ട്. മൈക്ക് ടൈസൺ ആദ്യമായി അഭിനയിച്ച ബോളിവുഡ് ചിത്രവുമായിരുന്നു ഇത്.
Also Read: പഴുവേറ്റരയർ സഹോദരങ്ങളായി ശരത് കുമാറും പാർത്ഥിപനും: ക്യാരക്ടർ പോസ്റ്റർ എത്തി
അതേസമയം, ആഗസ്റ്റ് 25 ന് തിയേറ്ററുകളിൽ എത്തിയ ചിത്രം ബോക്സ് ഓഫീസിൽ കിതയ്ക്കുകയാണ്. വിജയ് ദേവരകൊണ്ടയുടെ വലിയ പരാജയമായി ചിത്രം മാറുന്നുവെന്നാണ് ബോക്സ് ഓഫീസ് റിപ്പോർട്ടുകൾ. ആളുകൾ ഇല്ലാത്തതിനാൽ ചിത്രത്തിന്റെ 90 ശതമാനം പ്രദർശനങ്ങളും റദ്ദാക്കിയെന്ന വിവരവും പുറത്ത് വരുന്നുണ്ട്.
Post Your Comments