ലാലു അലക്സ് കേന്ദ്രകഥാപാത്രത്തിലെത്തുന്ന ഏറ്റവും പുതിയ ചിത്രമാണ് ‘ഇമ്പം’. നവാഗതനായ ശ്രീജിത്ത് ചന്ദ്രന്‍ രചനയും സംവിധാനവും നിര്‍വ്വഹിച്ചിരിക്കുന്ന ചിത്രത്തിന്‍റെ ഒഫിഷ്യല്‍ ടൈറ്റില്‍ പോസ്റ്റര്‍ പുറത്തെത്തി. ബംഗളൂരു ആസ്ഥാനമായ മാമ്പ്ര സിനിമാസിന്റെ ബാനറില്‍ ഡോ. മാത്യു മാമ്പ്രയാണ് ചിത്രത്തിന്‍റെ നിര്‍മ്മാണം. ദീപക് പറമ്പോൽ, മീര വാസുദേവ്, ദര്‍ശന സുദര്‍ശന്‍, ഇര്‍ഷാദ് എന്നിവരാണ് മറ്റു പ്രധാന വേഷങ്ങൾ ചെയ്യുന്നത്.
കലേഷ് രാമാനന്ദ് (ഹൃദയം ഫെയിം), ദിവ്യ എം നായര്‍, ശിവജി ഗുരുവായൂര്‍, നവാസ് വള്ളിക്കുന്ന്, വിജയന്‍ കാരന്തൂര്‍, മാത്യു മാമ്പ്ര, ഐ വി ജുനൈസ്, ജിലു ജോസഫ്, സംവിധായകരായ ലാല്‍ ജോസ്, ബോബന്‍ സാമുവല്‍ തുടങ്ങിയവരും ചിത്രത്തില്‍ മറ്റു കഥാപാത്രങ്ങളെ അവതരിപ്പിക്കുന്നു.
ഒരു പഴയകാല പബ്ലിഷിംഗ് ഹൗസിന്റെ നടത്തിപ്പുകാരനായ കരുണാകരന്റെയും അയാളുടെ സ്ഥാപനത്തില്‍ അവിചാരിതമായി കടന്നു വരുന്ന കാര്‍ട്ടൂണിസ്റ്റായ നിധിന്‍ എന്ന ചെറുപ്പക്കാരന്റെയും ജീവിതത്തില്‍ ഉണ്ടാകുന്ന രസകരമായ സംഭവങ്ങള്‍ നര്‍മ്മത്തിലൂടെ അവതരിപ്പിക്കുന്ന ചിത്രം ഒരു മുഴുനീള ഫാമിലി എന്റര്‍ടൈനറായാണ് ചിത്രം പ്രദര്‍ശനത്തിനെത്തുക.
Read Also:- കാമ്പസ് സൗഹൃദവും, പ്രണയവും പറയുന്ന ജാൻവി ഒരുങ്ങുന്നു
ഛായാഗ്രഹണം – നിജയ് ജയന്‍, എഡിറ്റിംഗ് – കുര്യാക്കോസ് കുടശ്ശെരില്‍, സൗണ്ട് ഡിസൈന്‍ – ഷെഫിന്‍ മായന്‍, സംഗീതം – ജയഹരി, ഗാനരചന – വിനായക് ശശികുമാര്‍, കലാസംവിധാനം – ആഷിഫ് എടയാടന്‍, വസ്ത്രാലങ്കാരം – സൂര്യ ശേഖര്‍, മേക്കപ്പ് – മനു മോഹന്‍, പ്രോഡക്ഷന്‍ കണ്‍ട്രോളര്‍ – അബിന്‍ എടവനക്കാട്, അസോസിയേറ്റ് ഡയറക്ടര്‍ – ജിജോ ജോസ്, പി ആർ ഓ – മഞ്ജു ഗോപിനാഥ്, ഡിസൈന്‍സ് – ഷിബിന്‍ ബാബു.
Post Your Comments