കൊച്ചി: മലയാളത്തിലെ മികച്ച ഒരു സംഘം അഭിനേതാക്കളുമായി എത്തുന്ന ‘തീർപ്പ്’ എന്ന ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി. ചിത്രം ആഗസ്റ്റ് ഇരുപത്തിയഞ്ചിന് പ്രദർശനത്തിനെത്തും. ഫ്രൈഡേ ഫിലിം ഹൗസിൻ്റെ ബാനറിൽ വിജയ് ബാബു നിർമ്മിക്കുന്ന ഈ ചിത്രം രതീഷ് അമ്പാട്ടാണ് സംവിധാനം ചെയ്യുന്നത്.
ഏറെ ചർച്ച ചെയ്യപ്പെട്ട ‘കമ്മാരസംഭവം’ എന്ന ചിത്രത്തിന് ശേഷം രതീഷ് അമ്പാട്ട് ഒരുക്കുന്ന ചിത്രമെന്ന നിലയിൽ ഈ ചിത്രത്തിന് വലിയ പ്രാധാന്യമുണ്ട്. സമൂഹത്തിലെ വ്യത്യസ്ഥ തലങ്ങളിൽ വ്യാപരിക്കുന്ന നാലു സുഹൃത്തുക്കളുടെ കഥയാണ് ഈ ചിത്രത്തിലൂടെ അവതരിപ്പിക്കുന്നത്. അബ്ദുള്ള, പരമേശ്വരൻ, കല്യാൺ, രാംകുമാർ എന്നിവരാണീ സുഹൃത്തുക്കൾ. ഇവരെ യഥാക്രമം പ്രഥ്വിരാജ്, സൈജുക്കുറുപ്പ്, ഇന്ദ്രജിത്ത്, വിജയ് ബാബു എന്നിവർ പ്രതിനിധീകരിക്കുന്നു. ഇവർക്കൊരു പശ്ചാത്തലമുണ്ട്.ഇവർ നാലു പേരും ബാല്യകാല സുഹൃത്തുക്കളായിരുന്നു.
സത്യത്തിന്റെ കൂടെ ശരിയുടെ കൂടെ നിൽക്കുമ്പോൾ, ശത്രുക്കളുടെ ഒരു പടയെ തന്നെ നേരിടേണ്ടി വരും: രാമസിംഹൻ
വർഷങ്ങൾക്കു ശേഷം ഇവർ കണ്ടുമുട്ടുകയാണ്. ഈ കൂടിച്ചേരലുകൾക്കിടയിലും ചില പ്രശ്നങ്ങൾ ഇവരെ വേട്ടയാടുന്നുണ്ട്. ബാല്യകാലത്ത് അവർക്കിടയിലുണ്ടായ ചില പ്രശ്നങ്ങളാണത്. ഈ സാഹചര്യത്തിൽ ആ സംഭവങ്ങൾ ഇവരെ എങ്ങനെ സ്വാധീനിച്ചിരിക്കുന്നു എന്നതാണ് ഈ ചിത്രത്തിലൂടെ അവതരിപ്പിക്കുന്നത്.
പൂർണ്ണമായും ത്രില്ലർ രൂപത്തിൽ അവതരിപ്പിക്കുന്ന ചിത്രത്തിൽ സിദ്ദിഖ്, ലുക്മാൻ, ഇഷാ തൽവർ, അലൻസിയർ, ശ്രീകാന്ത് മുരളി, എന്നിവരും പ്രധാന താരങ്ങളാണ്.
ചിത്രത്തിനായി തിരക്കഥയും ഗാനങ്ങളും സംഗീതവും നിർവ്വഹിച്ചിരിക്കുന്നത് മുരളി ഗോപിയാണ്.
ദുൽഖർ സൽമാൻ ഫാമിലി (DQF); കലാകാരന്മാർക്കായി വേഫെറർ ഫിലിംസിന്റെ കമ്മ്യൂണിറ്റി ഫോർ ഹാപ്പിനെസ്..!
പശ്ചാത്തല സംഗീതം – ഗോപി സുന്ദർ, കെ. എസ്. സുനിൽ ഛായാഗ്രഹണവും ദീപു ജോസഫ് എഡിറ്റിംഗും നിർവ്വഹിക്കുന്നു, മേക്കപ്പ് – ശ്രീജിത്ത് ഗുരുവായൂർ, കോസ്റ്റ്യം ഡിസൈൻ – സമീറാ സനീഷ്, ചീഫ് അസ്സോസ്സിയേറ്റ് ഡയറക്ടർ – സുനിൽ കാര്യാട്ടുകര,
എക്സിക്കുട്ടീവ് പ്രൊഡ്യൂസർ – വിനയ് ബാബു, പ്രൊഡക്ഷൻ കൺട്രോളർ – ഷിബു. ജി. സുശീലൻ.
വാഴൂർ ജോസ്.
Post Your Comments