തിയേറ്ററുകളിൽ വമ്പൻ വിജയം നേടിയ കടുവയ്ക്ക് ശേഷം പൃഥ്വിരാജും ഷാജി കൈലാസും ഒരുമിക്കുന്ന ബിഗ് ബജറ്റ് ചിത്രമാണ് കാപ്പ. ഇന്ദുഗോപന്‍റെ പ്രശസ്ത നോവലായ ശംഖുമുഖിയെ അടിസ്ഥാനപ്പെടുത്തിയാണ് ചിത്രത്തിന്‍റെ തിരക്കഥ ഒരുങ്ങുന്നത്. ഇന്ദുഗോപൻ തന്നെയാണ് ചിത്രത്തിന്‍റെ രചനയും നിർവ്വഹിക്കുന്നത്. തിരുവനന്തപുരത്തെ ലോക്കൽ ഗുണ്ടകളുടെ കഥയാണ് ചിത്രം പറയുന്നത്.
ഇപ്പോളിതാ, സ്വാതന്ത്ര്യദിനാശംസകളുമായി പൃഥ്വിരാജിന്റെ കാപ്പയുടെ പ്രത്യേക പോസ്റ്റര്‍ പുറത്തുവിട്ടു. സംവിധായകൻ ഷാജി കൈലാസാണ് പോസ്റ്റർ ഫേസ്ബുക്കിൽ പങ്കുവെച്ചത്. ചിത്രീകരണം പുരോഗമിക്കുന്ന സിനിമയുടെ ലൊക്കേഷന്‍ വീഡിയോകളും പോസ്റ്ററുകളും സോഷ്യൽ മീഡിയയിൽ ശ്രദ്ധ നേടാറുണ്ട്. വേറിട്ട ഗെറ്റപ്പിലാണ് പൃഥ്വി ചിത്രത്തിലെത്തുന്നത്.
Read Also:- വിജയ് ദേവരക്കൊണ്ടയുടെ ‘ലൈഗര്‍’ റിലീസിനൊരുങ്ങുന്നു
ജിനു വി എബ്രഹാം, ഡോള്‍വിന്‍ കുര്യാക്കോസ്, ദിലീഷ് നായര്‍ എന്നിവരുടെ പങ്കാളിത്തത്തില്‍ ആരംഭിച്ച തിയേറ്റര്‍ ഓഫ് ഡ്രീംസ്, ഫെഫ്ക റൈറ്റേഴ്‌സ് യൂണിയൻ എന്നിവയുടെ സഹകരണത്തോടെ നിര്‍മ്മിക്കുന്ന ചിത്രമാണ് കാപ്പ. പൃഥ്വിരാജിനെ കൂടാതെ മഞ്ജു വാര്യര്‍, ആസിഫ് അലി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
Post Your Comments