കൃഷ്ണ ശങ്കറിനെ നായകനാക്കി ബിലഹരി സംവിധാനം ചെയ്യുന്ന പുതിയ ചിത്രമാണ് ‘കുടുക്ക് 2025’. ചിത്രത്തിന്റെ റിലീസ് തിയതി മാറ്റി. ഓഗസ്റ്റ് 25നാണ് പുതുക്കിയ തിയതി. ഓഗസ്റ്റ് 19നാണ് ചിത്രം റിലീസ് ചെയ്യുമെന്നാണ് നേരത്തെ അറിയിച്ചിരുന്നത്. ചിത്രത്തിലെ നായിക ദുർഗ കൃഷ്ണ തന്നെയാണ് ഇക്കാര്യം സമൂഹമാധ്യമങ്ങളിലൂടെ അറിയിച്ചത്.
‘ഹായ് സുഹൃത്തുക്കളെ, ഞങ്ങളുടെ ‘കുടുക്ക് 2025’ എന്ന സിനിമയുടെ റിലീസ് തിയതി 2022 ഓഗസ്റ്റ് 25-ലേക്ക് മാറ്റിയതായി നിങ്ങളെ അറിയിക്കേണ്ടത് ഞങ്ങളുടെ ഉത്തരവാദിത്തമാണ്. എന്നാൽ, ഈ കാലതാമസത്തിൽ നിങ്ങളെ നിരാശരാകാന്‍ ഞങ്ങൾ അനുവദിക്കുന്നില്ല. സിദ്ധ് ശ്രീറാമിന്റെയും ഭൂമിയുടെയും വോക്കലുകളോട് കൂടിയ ‘മാരൻ’ എന്ന തമിഴ് ഗാനം ഞങ്ങൾ നിങ്ങൾക്ക് സമ്മാനിക്കുന്നു. ഉടൻ വരുന്നു’, റിലീസ് തിയതി പങ്കുവച്ച് കൊണ്ട് ദുർഗ ഫേസ്ബുക്കിൽ കുറിച്ചു.
Read Also:- ‘ഹർ ഘർ തിരംഗ’: പ്രധാനമന്ത്രിയുടെ ആഹ്വാന പ്രകാരം വീട്ടിൽ ദേശീയ പതാക ഉയർത്തി മോഹൻലാലും സുരേഷ് ഗോപിയും
‘അള്ള് രാമേന്ദ്രന്’ ശേഷം സംവിധായകൻ ബിലഹരി ഒരുക്കുന്ന ചിത്രം 2025ലെ കഥയാണ് പറയുന്നത്. മനുഷ്യന്റെ സ്വകാര്യതയാണ് പ്രമേയം. ഷൈൻ ടോം ചാക്കോ, ദുർഗ കൃഷ്ണ, സ്വാസിക എന്നിവരും പ്രധാന വേഷങ്ങളിലെത്തുന്നുണ്ട്.
Post Your Comments