ദുല്‍ഖര്‍ സൽമാനെ നായകനാക്കി ഹനു രാഘവപുഡി ഒരുക്കിയ സീതാരാമം തിയേറ്ററുകളിൽ പ്രദർശനം തുടരുകയാണ്. മികച്ച പ്രതികരണമാണ് ചിത്രത്തിന് ലഭിക്കുന്നത്. ഇപ്പോളിതാ, ചിത്രത്തിന്റെ അണിയറ പ്രവര്‍ത്തകരെ അഭിനന്ദിച്ച് തെലുങ്ക് യുവതാരം സായ് ധരം തേജ് എഴുതിയ ഒരു കത്താണ് ചര്‍ച്ചയാകുന്നത്. ഐ ഹേറ്റ് യൂ എന്നു പറഞ്ഞുകൊണ്ടാണ് സിനിമയ്ക്ക് പിന്നിൽ പ്രവർത്തിച്ചവരെയെല്ലാം സായ് പ്രശംസിക്കുന്നത്.
പ്രിയപ്പെട്ട സീതാരാമം അണിയറ പ്രവർത്തകരെ ഞാൻ ഈ കുറിപ്പ് പല തവണ എഴുതുകയും തിരുത്തുകയും ചെയ്തു. ഇത്രയും മനോഹരമായ സിനിമ ചെയ്തതിന് ഹൃദയത്തിൽ നിന്നും ഞാൻ നിങ്ങളെ വെറുക്കുന്നു എന്ന് പറഞ്ഞുകൊണ്ടാണ് സായ് പോസ്റ്റ് തുടങ്ങുന്നത്.
Also Read: രക്ഷാബന്ധൻ കണ്ട് കണ്ണ് നിറയാതെ തിയേറ്ററിൽ നിന്ന് ഇറങ്ങാൻ കഴിയുമോ: വെല്ലുവിളിച്ച് ട്വിങ്കിൾ ഖന്ന
ദുല്‍ഖറിന്റെ അഭിനയത്തെയും സായ് പ്രത്യേകം അഭിനന്ദിക്കുന്നുണ്ട്. ‘ദുല്‍ഖര്‍, നിങ്ങളുടെ പല സിനിമകളും ഞാൻ കണ്ടിട്ടുണ്ട്. ഞാൻ നിങ്ങളുടെ സിനിമകളുടെ ആരാധകനാണ്. ഒരു അഭിനേതാവെന്ന നിലയില്‍ നിങ്ങളെ അത്ഭുതത്തോടെ കാണേണ്ടി വന്ന ഈ സിനിമ കാരണം ഞാൻ നിങ്ങളെ വെറുക്കുന്നു. ഓരോ രംഗത്തെയും നിങ്ങളുടെ പെര്‍ഫോര്‍മൻസ് ഞാൻ ആദരവോടെ കാണുകയായിരുന്നു’, സായ് സാമൂഹ്യ മാധ്യമത്തില്‍ എഴുതിയ കത്തില്‍ പറയുന്നു.
Post Your Comments