കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണ പൊതുവാൾ സംവിധാനം ചെയ്യുന്ന ന്നാ താൻ കേസ് കൊട് എന്ന ചിത്രത്തിന്റെ ട്രെയ്‍ലർ റിലീസായി. 123 മ്യൂസിക്‌സ് ആണ് ട്രെയ്‍ലർ പുറത്തുവിട്ടിരിക്കുന്നത്. പ്രമേയം കൊണ്ടും ചിത്രീകരണ ശൈലി കൊണ്ടും പ്രാദേശിക ഭാഷയുടെ ഉപയോഗം കൊണ്ടും എല്ലാവരെയും രസിപ്പിക്കുന്ന രീതിയിലാണ് ട്രെയ്‍ലർ ഒരുക്കിയിരിക്കുന്നത്. രാഷ്ട്രീയക്കാരെ വിമർശിക്കുകയും സാധാരണക്കാരുടെ പ്രശ്‌നങ്ങളെ ചൂണ്ടിക്കാണിക്കുകയും ചെയ്യുന്നതായിരിക്കും ചിത്രമെന്നാണ് ട്രെയ്‍ലർ നൽകുന്ന സൂചന.
കൊഴുമ്മൽ രാജീവൻ എന്ന കഥാപാത്രത്തെയാണ് കുഞ്ചാക്കോ ബോബൻ ചിത്രത്തിൽ അവതരിപ്പിക്കുന്നത്. ചിത്രത്തിന്റേതായി പുറത്തുവന്ന ഗാനങ്ങളും നേരത്തെ ജനശ്രദ്ധ നേടിയിരുന്നു. ഭരതന്റെ സംവിധാനത്തിൽ പുറത്തുവന്ന മമ്മൂട്ടി ചിത്രം കാതോട് കാതോരം എന്ന ചിത്രത്തിലെ ദേവദൂതർ പാടി എന്ന ഗാനത്തിന്റെ പുനരാവിഷ്‌ക്കാരണമാണ് ചിത്രത്തിൽ ഉൾപ്പെടുത്തിയിരിക്കുന്നത്.
Also Read: നടിയെ ആക്രമിച്ച കേസില്‍ താന്‍ നിന്നത് സത്യത്തിനൊപ്പം : നടന്‍ കുഞ്ചാക്കോ ബോബന്‍
ആൻഡ്രോയിഡ് കുഞ്ഞപ്പന് ശേഷം സംവിധായകൻ രതീഷും നിർമ്മാതാവ് സന്തോഷ് ടി കുരുവിളയും ഒന്നിക്കുന്ന ചിത്രമാണ് ന്നാ താൻ കേസ് കൊട്. ഗായത്രി ശങ്കറാണ് ചിത്രത്തിൽ നായിക. ബേസിൽ ജോസഫ്, ഉണ്ണി മായ എന്നിവരോടൊപ്പം നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്.
Post Your Comments